අධිකරණයට අපහාස චෝදනා කරමින් බොදු බල සේනා සංවිධානයේ ලේකම් පූජ්‍ය ගලගොඩඅත්තේ ඥාණසාර හිමියන් ඇතුළු තිදෙනෙකුට එරෙහි පෙත්සම සලකා බැලීම සඳහා පෙබරවාරි 17 වනදා කැඳවීමට අභියාචනාධිකරණය නියම කළේය.
2008 වසරේ මාලබේ, කල්වරි කිතුනු දේවස්ථානයට පහර දී අලාභ හානි සිදු කිරිමේ චෝදනාවෙන් බොදුබල සේනා සංවිධානයේ ලේකම් පූජ්‍ය ගලගොඩඅත්තේ ඥාණසාර හිමි ඇතුළු විත්තිකරුවන් 13 දෙනෙකු නිදොස් කොට නිදහස් කිරීමට කොළඹ මහාධිකරණය ගත් තීරණයට එරෙහිව නීතිපති ගොනු කළ අභියාචනය, අභියාචනාධිකරණය විසින් නිෂ්ප්‍රභ කර තිබේ.
ඥාණසාර හිමි නිදොස් කොට නිදහස් කරන්න ඉල්ලීමක්
මාලඹේ මත්ද්‍රව්‍ය වැටලීමක නිරත පොලිස් විශේෂ කාර්ය බලකා නිලධාරීන්ගේ රාජකාරියට බාධා එල්ල කිරිමේ චෝදනාවෙන් බොදු බල සේනා සංවිධානයේ ලේකම් පූජ්‍ය ගලගොඩඅත්තේ ඥාණසාර හිමි නිදොස් කොට නිදහස් කරන්නැයි ජනාධිපති නීතිඥ ටිරන්ත වරලියද්ද මහතා අද අධිකරණයෙන් ඉල්ලා සිටියේය.
පූජ්‍ය ගලගොඩඅත්තේ ඥානසාර හිමියන්ට බැණවැදී ජාතීන් අතර නොසන්සුන්තාවක් ඇති කිරීමට ක්‍රියා කළ යැයි චෝදනා ලබා සිටින සිලෝන් තව්හිද් ජමාත් සංවිධානයේ ලේකම් අබ්දුර් රාසික් මහතාට එරෙහිව පෙත්සම නැවත ජුලි මස 25 වැනිදා කැඳවන මෙන් කොළඹ මහේස්ත්‍රාත් අධිකරණය අද නියම කළේය.
