තරග 3 කින් සමන්විත එක් දින තරගාවලියේ පළමු තරගය ශ්‍රී ලංකා කණ්ඩායම ඩක්වත් සහ ලුවිස් න්‍යයට අනුව ජය ගත්තේ ලකුණු 45 කින්.
කිවි - සිංහ අවසන් ගැටුම අදයි
නොවැ 19,
2024
ශ්‍රී ලංකාව සහ නවසීලන්තය අතර තුන්වැනි එක්දින ක්‍රිකට් තරගය පල්ලෙකැලේ අන්තර්ජාතික ක්‍රිකට් ක්‍රීඩාංගණයේදී අද පැවැත්වෙනවා.
දෙවැනි තරගයෙන් කඩුලු 3 ක ජයක් හිමි කර ගත්තා. ඒ අනුව තවත් තරගයක් ඉතිරිව තිබියදී ශ්‍රී ලංකා කණ්ඩායම තරගාවලිය මේ වන විටත් ජය ගෙන අවසන්.
ශ්‍රී ලංකාව, නවසීලන්තය සමග එක්දින තරගාවලියක් ජය ගත්තේ වසර 12කට පසුවයි.
මේ අතර, තුන්වැනි එක් දින තරගයේ ශ්‍රී ලංකා සංචිතය සඳහා නුවනිදු ප්‍රනාන්දු, ලහිරු උදාර, සහ එශාන් මාලිංග කැඳවා තිබෙනවා.
ඒ පැතුම් නිස්සංක, කුසල් මෙන්ඩිස්, කමිදු මෙන්ඩිස් සහ අසිත ප්‍රනාන්දු විවේක ගැන්වීම හේතුවෙන්.
ඔවුන් මෙලෙස විවේක ගන්වා ඇත්තේ ලබන 27වැනිදා දකුණු අප්‍රිකාව සමග එරටදී ආරම්භ වන ටෙස්ට් ක්‍රිකට් තරගාවලිය සඳහායි.
ශ්‍රී ලංකාව සහ නවසීලන්තය අතර තුන්වැනි එක් දින තරගය අද පස්වරු 2.30 ට ආරම්භ කිරීමට නියමිතයි.
