මහ බැංකු බැඳුම්කර වංචාවේ ප්‍රධාන විත්තිකරු හිටපු මහ බැංකු අධිපති අර්ජුන් මහේන්ද්‍රන් මහතා මෙරටට ගෙන්වා ගැනීමට ශ්‍රී ලංකා රජය යොමුකළ ලිපි ලේඛන සිංගප්පූරු නීතිපති දෙපාර්තමේන්තුව අධ්‍යයනය කරමින් සිටින බව නීතිපති අද කොළඹ ත්‍රිපුද්ගල විශේෂ මහාධිකරණයට අද දැනුම් දුනි.
වසර 2015ට පෙර හා පසු සිදු වූ බැඳුම්කර ගනුදෙනුවල දී අක්‍රමිකතා සොයා බැලෙන වෝහාරික විගණන හයෙන් පහක වාර්තා ලබන නොවැම්බර් මාස ලැබෙනු ඇතැයි ශ්‍රී ලංකා මහ බැංකුවේ අධිපති ආචාර්ය ඉන්ද්‍රජිත් කුමාරස්වාමි පවසයි.
මහ බැංකු බැඳුම්කර වංචාව පිළිබඳව ජනාධිපති කොමිසමට අසත්‍ය සාක්ෂි ලබාදීමේ සිද්ධිය සම්බන්ධයෙන් වු පරීක්ෂණයට අදාලව සති දෙකක් ඇතුළත රහස් පොලිසිය හමුවේ පෙනී සිට ප්‍රකාශ ලබා දෙන ලෙස කොළඹ මහේස්ත්‍රාත් අධිකරණය අමාත්‍ය රවී කරුණානායක මහතාට අද නියෝග කලේය.
