යොහානි ද සිල්වා විසින් ගායනා කළ 'මැණිකේ මගේ හිතේ' ගීතය ඉතා කෙටි කාලයක් තුළ බොලිවුඩය පුරා රැව්පිළි රැව් දුන් ගීතයක් බවට පත් විය. මේ වන විට එම ගීතයේ හින්දි අනුවර්තනය නවතම බොලිවුඩ් චිත්‍රපටයකට යොදා ගෙන තිබේ.

ඒ ඔක්තෝබර් 25 වැනිදා තිරගත වීමට නියමිත 'තෑන්ක් ගෝඩ්' නම් බොලිවුඩයේ නවතම එම චිත්‍රපටයටයි.

අජේ දේව්ගන්, සිද්ධාර්ත් මල්හෝත්‍රා සහ නෝරා ෆටේහි ඇතුළු අතිශය ජනප්‍රිය රංගන ශිල්පීන් රැසක් මෙම චිත්‍රපටයට රංගනයෙන් දායකත්වය ලබාදෙයි.

මෙම චිත්‍රපටයේ පූර්ව ප්‍රචාරක පටය තවමත් නිකුත් නොවුණ ද යොහානි විසින් චිත්‍රපටයේ ඇගේ ගීතය අඩංගු කොටසක් මේ වනවිට සමාජ මාධ්‍ය වෙත මුදා හැර තිබේ.