මෙම ගංජා හේන අක්කර දෙකක පමණ භූමියක වගාකර තිබී ඇති අතර එහි සරුවට වැව්ණු උස අඩිහය ඉක්මවූ ගංජා ගස් දහතුන් දහසකට වැඩි ප්‍රමාණයක් පොලිස් නිලධාරීන් විසින් සොයාගෙන ඇත. එහි වටිනාකම රුපියල් ලක්ෂ එක් කෝටි බනස් ලක්ෂයක් වන බව පොලිසිය පවසයි.
ඇතිමලේ පොලිස් ස්ථානීය බුද්ධි තොරතුරක් අනුව වැටලීම සිදුකර ඇති අතර දින හතරක් පමණ කැලෑවේ සැගව සිටි පොලිස් නිලධාරීන් විසින් ගංජ හේන වගා කළ සැකකරුවන් දෙදෙනකු දඅත්අඩංගුවට ගෙන ඇත.
ඇතිමලේ පොලිස් ස්ථානයේ සිට කිලෝමීටර් හතලිස් එකක් පමණ එපිට කැලෑබද ප්‍රදේශයක මෙම ගංජා හේන වගාකර තිබු අතර ඉතා දුෂ්කර මෙහෙයුමකින් පසු මහා පරිමාණ ගංජා හේන වැටලීම කර ඇත. සැකකරුවන් දෙදෙනකු මෙහිදී අත්අඩංගුවට පත්වී ඇති අතර ඔවුන් අවුරුදු තිහ සහ හතලිස් දෙක යන වයස්වල පසුවේ. තණමල්විල සහ මහරගල යන ප්‍රදේශවල පදිංචිකරුවන් දෙදෙනකු බව පොලිසිය පැවසීය.
සියලුම ගංජා පැල පොලිසිය විසින් ගිනි තබා විනාශ කර ඇති අතර අත්අඩංගුවට ගත් සැකකරුවන් සියඹලාණ්ඩුව මහේස්ත්‍රාත් අධිකරණයට ඉදිරිපත් කිරීමට නියමිතව තිබිණ.
