අද ඔවුන් තම නිවෙස් කරා පැමිණි අවස්ථාවේ දී ඔවුන්ව නැවත පරික්ෂා කර විෂබීජහරණයට යොමු කර නිවාස අවට ද විෂබීජහරණය සිදු කරනු ලැබීය.
එම කොරෝනා රෝගියා හමු වීමෙන් පසු එම ප්‍රදේශය හුදකලා ප්‍රදේශයක් බවට පත් කරනු ලැබීය. එම ප්‍රදේශයේ නිවැසියන්ගේ නිරෝධායන කාල සීමාව සම්පූර්ණ කිරීමෙන් පසු ඔවුනට නිරෝධායන සහතික පත් ප්‍රදානය කිරීම ද අද සිදු කළේය.
පූනානි නිරෝධායන මධ්‍යස්ථානයේ නිරෝධායනය සිදුකළ එම විසි හතර දෙනා නැවත තම නිවාස වල දින දාහතරක් ස්වයං නිරෝධායනය සඳහා යොමු කරනු ලැබීය. රත්මලාන සෞඛ්‍ය වෛද්‍ය නිලධාරී ජේ.එම් ගුණතිලක මහතාගේ උපදෙස් පරිදි මෙය සිදු කළේය.
