හෙට සිට සෑම දිස්ත්‍රික්කයකම ඇඳිරිනීතිය ක්‍රියාත්මක වන්නේ රාත්‍රී 10 සිට පසුදා අලුයම 4 දක්වා පමණයි.
හෙට ඇඳිරිනීතිය ඉවත් කිරීමත්‌ සමඟ රාජකාරී සඳහා සිට කොළඹට පැමිණෙන ජනතාවට අවශ්‍ය ප්‍රවාහන පහසුකම් ප්‍රමාණවත්‌ ලෙස සැපයීමට රජය පියවර ගෙන තිබේ. ඒ අනුව කොළඹ හා ගම්පහ දිස්තික්ක හැර අනෙකුත්‌ දිස්ත්‍රික්කවල අන්තර් පළාත්‌ බස්රථ සේවා හෙට දින සිට ක්‍රියාත්මකයි. කොළඹ - නුවර පාරේ පැමිණෙන අන්තර් පළාත්‌ බස්රථ ධාවනය කෙරෙන්නේ නිට්ටඹුව දක්වා පමණයි. අංක 05 පාරේ පැමිණෙන අන්නර් පළාත්‌ බස්රථ මිනුවන්ගොඩ දක්වා ධාවනය වනු ඇති. ගාලු පාරේ පැමිණෙන බස්රථ පානදුර දක්වා ද හයිලෙවල්‌ හා ලොලෙවල්‌ මාර්ගවල පැමිණෙන අන්නර පළාත්‌ බස්රථ අව්ස්සාවේල්ල දක්වා ද ධාවනය කෙරෙනවා. අනුරාධපුර, පුත්තලම හා කුලියාපිටිය සිට මීගමුව පාරෙන්‌ කොළඹට පැමිණෙන බස්රථ මීගමුවෙන්‌ නතර කළ යුතුයි. දක්ෂිණ අධිවේගී මාර්ගයේ බස්රථ ධාවනය කෙරෙන්නේ, කොට්ටාව දක්වා පමණයි. බස්රථ ධාවනය පෙරවරු 4.30 ට ආරම්භ කරන අතර පස්වරු 6.00ට අවසන් කිරීමට නියමිතයි. දුම්රියෙන්‌ ගමන් කරන මගීන්ට කොළඹට පැමිණීම සඳහා දුම්රිය 27ක් යොදවා ඇති බවයි, දුම්රිය සාමාන්‍යාධිකාරී ඩිලන්ත ප්‍රනාන්දු මහතා සඳහන්‌ කරන්නේ.
