මදූෂ්ගේ ඥාති සහෝදරයා අධිකරණය හමුවට - (11:05)

අපරාධ පරීක්ෂණ දෙපාර්තමේන්තුවේ නිලධාරීන් බාරයේ සිටි මාකඳුරේ මදූෂ්ගේ ඥාති සොහොයුරු වන නිලාන් රොමේෂ් සමරසිංහ අද මීගමුව මහේස්ත්‍රාත් අධිකරණයට ඉදිරිපත් කෙරිණ.

මාකඳුරේ මදූෂ් සමඟ ඩුබාහි දී අත්අඩංගුවට පත්ව පිටුවහල් කෙරුණු 6 දෙනෙකු ඊයේ (17) අලුයම කටුනායක ගුවන් තොටුපොළ වෙත පැමිණියේය. ඒ අය අතර මොහොමඩ් රිසාන් මොහොමඩ් බදුර්දීන්, මහවත්තගේ ගයාන් බුද්ධිම පෙරේරා, මොහොමඩ් හිබ්‍රි මොහොමඩ් ජබීර්, සුරේෂ් වසන්ත රණසිංහ, රූපදාස සයිමන් හේවගේ, නිලාන් රොමේෂ් සමරසිංහ වන මාකඳුරේ මදූෂ් නැමැති අයගේ ඥාති සහෝදරයෙක් ද සිටි බවයි පොලිස් මූලස්ථානය ප්‍රකාශ කළේ.