බෝම්බ නිෂ්පාදනයට යොදා ගැනෙන පුපුරණ ද්‍රව්‍ය ඇතුළු අමුද්‍රව්‍ය හා තවත් උපාංග රැසක් අත්අඩංගුවට ගැනීමට ආරක්ෂක අංශ සමත්වූහ. යුද හමුදාව, පොලිස් විශේෂ කාර්ය බලකාය හා පොලිසිය ඒකාබද්ධවයි, මෙහෙයුම ක්‍රියාත්මක කෙරුණේ. බෝම්බ තැනීමට යොදා ගැනෙන, යූරියා ඇතුළු රසායනික ද්‍රව්‍ය, යකඩ බෝල ලක්‍ෂ 2ක පමණ ප්‍රමාණයක්, බැටරි, ජෙලට් නයිට් පුපුරණ ද්‍රව්‍ය, වයර්, ඩ්‍රෝන යානා, ඇතුළු උපාංග රැසක් මේ අතර වේ.
මීට දෙදිනකට පමණ පෙර මාධ්‍යයට නිකුත් වූ තවුහිද් ජමාද් සංවිධානයේ ප්‍රධානී සහරාන් හෂීම් නමැත්තා ප්‍රමුඛ පිරිසක් එක්ව දිවුරුමක් ලබාදීමේ දර්ශන පෙළ පටිගත කළ ස්ථානය මෙය බවට ද තොරතුරු ලැබී තිබේ. එම කණ්ඩායම හැඳ සිටි කළු පැහැති ඇඳුම් කට්ටල සහ පාවහන් මෙන්ම පසුබිමේ ඇති කළු පැහැති ධජය ද සොයාගත් භාණ්ඩ අතර වේ.
