එම ඉල්ලිම ඇතුලත් ලිපියක් ත්‍රස්ත විරෝධී ජාතික එකමුතුවේ ජාතික සංවිධායක පූජ්‍ය මාගල්කන්දේ සුදන්ත හිමියන් ඇතුළු භික්ෂූන් වහන්සේලා පිරිසක් විසින් අද අධිකරණ සේවා කොමිසම වෙත භාර දුනී.
බස්නාහිර පළාතේ ආණ්ඩුකාර අසාත් සාලි මහතා ජාතික තව්හීද් ජමාඅත් සංවිධානයට සම්බන්ධව විනිසුරුවරු සිටින බවට ජනමාධ්‍ය ඔස්සේ කළ ප්‍රසිද්ධ ප්‍රකාශය එම ලිපියේ සඳහන් කර තිබේ.
එය බරපතළ තත්ත්වයක් බැවින් එවැනි විනිසුරුවරුන් අත්අඩංගුවට ගෙන වහාම නීතිය ක්‍රියාත්මක කරන ලෙස ත්‍රස්ත විරෝධී ජාතික එකමුතුව, අධිකරණ සේවා කොමිසමෙන් ඉල්ලා සිටි.
