යාපනය, කෝවිලම් ප්‍රදේශයට උතුරින් වූ මුහුදු ප්‍රදේශයේ සිදුකළ විශේෂ සෝදිසි මෙහෙයුමකින් කේරළ ගංජා කිලෝ 98යි ග්‍රෑම් 500ක පමණ ප්‍රමාණයක් සමඟ සැකකරුවන් තිදෙනෙකු (03) සහ ඩිංගි යාත්‍රාවක් නාවික හමුදා භාරයට ගැනීමට කටයුතු කෙරිණි.

පේදුරුතුඩුවට උතුරින් වූ මුහුදු ප්‍රදේශයේ සිදු කළ එම වැටලීමේදී කේරල ගංජා කිලෝ 237යි ග්‍රෑම් 500ක් සමග සැකකරුවන් තිදෙනෙක් හා ගංජා ප්‍රවාහනය කළ ඩිංගි යාත්‍රාව ද නාවික හමුදා භාරයට ගැනිණ. ඒවායේ වටිනාකම රුපියල් මිලියන 71කට ආසන්නයි.

කන්කසන්තුරය මුහුදු ප්‍රදේශයේදී කේරළ ගංජා කිලෝග්‍රෑම් 157ක් නාවික හමුදා අත්අඩංගුවට ගැනිණ.ඇසුරුම් පහක බහා මුහුද අභ්‍යන්තරයේ සඟවා බෝයාවක් මගින් එම ස්ථානය සළකුණු කර තිබියදී කේරළ ගංජා කිලෝ 43 ග්‍රෑම් 400 ක ප්‍රමාණයක් හමුවී තිබේ.

උතුරු මුහුදේ සිදු කල මෙහෙයුම් මගින් පමණක් ගතවූ පැය 36 ක කාලය තුළ ටොන් භාගයකට අධික කේරළ ගංජා ප්‍රමාණයක් නාවික හමුදා භාරයට ගෙන තිබේ.