ශ්‍රී ලංකා ක්‍රිකට් කණ්ඩායම එංගලන්ත සංචාරය අතරතුර මෙම ක්‍රීඩකයින් තිදෙනා එංගලන්තයේ මාර්ගවල සැරිසරන දර්ශන පෙළක් සමාජ ජාල මාධ්‍ය ඔස්සේ ඊයේ සංසරණය විය. ඒ හේතුවෙන් මෙම ක්‍රීඩකයින් තිදෙනාට තරග තහනමක් පනවනු ලැබීය. කොවිඩ්-19 වසංගතය හේතුවෙන් ක්‍රිකට් ක්‍රීඩකයින් තරගාවලිය අතරතුරදී ජෛව ආරක්‍ෂණ බුබුළක රැඳී සිටීම අනිවාර්ය වේ.
මෙම ක්‍රීඩකයින් තිදෙනා එම නීතිය උල්ලංඝනය කර ඇති අතර, ඒ කෙරෙහි විශේෂ අවධානය යොමුකර, වහාම ඔවුන් තිදෙනා දිවයිනට කැඳවීමට, ශ්‍රී ලංකා ක්‍රිකට් ආයතනය පියවර ගත්තේය. මෙම සිදුවීම පිළිබඳව අද පැවති කැබිනට් තීරණ දැනුම්දීමේ මාධ්‍ය සාකච්ජාවේදී ද අදහස් පළ කෙරිණ.
