වාණිජ කේන්ද්‍රස්ථානය වන මුම්බායි නගරයේ ප්‍රවාහන, ගුවන් ඇතුළු අංශ ගණනාවකට වැසි කාලගුණයෙන් දැඩි බලපෑම් එල්ල වී ඇති බව වාර්තාවේ. ඉකුත් පැය 48ක කාලසීමාවේ මුම්බායි නගරයට මිලිමීටර 500කට අධික වර්ෂාපතනයක් ලැබී තිබේ.
කුරාර් සහ කල්‍යාන් ප්‍රදේශවල තාප්ප දෙකක් කඩා වැටීමෙන් 21 දෙනෙකු මියගියේය. පාසල් හා රජයේ කාර්යාල වසා දමා ඇති අතර, අද විශේෂ නිවාඩු දිනයක් ලෙස ද ප්‍රකාශයට පත් කෙරිණ. අධික වැසි සහිත කාලගුණයෙන් මුම්බායි අන්තර්ජාතික ගුවන් තොටුපොළේ කටයුතුවලට ද දැඩි බාධා එල්ලවී තිබේ.
