රූපවාහිනිය තවමත් පවතින්නේ,වීඩියෝ පරිභෝජනයේ විශාලතම තනි ප්‍රභවය ලෙසයි‍.   රූපවාහිනී තිර ප්‍රමාණය වෙනස් වී ඇතත්, මිනිසුන් විවිධ වේදිකා සඳහා සිදුකරන නිර්මාණ පළ කිරීම, ප්‍රවර්ධනය සහ තොරතුරු ලබාදීම රූපවාහිනිය ඔස්සේ සිදු කෙරෙනවා. 

ලොව පුරා රූපවාහිනී ඇති කුටුම්බ සංඛ්‍යාව අඛණ්ඩව ඉහළ යමින් පවතින බව එක්සත් ජාතීන්ගේ සංවිධානයේ වාර්තාවල සඳහන්.  රූපවාහිනී දිනය යම් තාක්ෂණික මෙවලමක් සැමරීමක් නොව, එය නියෝජනය කරන දර්ශනයක් බවයි එක්සත් ජාතීන්ගේ සංවිධානය පවසන්නේ.

ලෝක සාමයට හා ආරක්ෂාවට ඇති තර්ජන කෙරෙහි ලෝක අවධානය යොමු කිරීම සහ ආර්ථික හා සමාජයීය ගැටලු කෙරෙහි යොමු කිරීමේදී ලෝක අවධානය යොමු කරමින්, තීරණ ගැනීමේදී රූපවාහිනිය මගින් හඳුනා ගනිමින් එක්සත් ජාතීන්ගේ මහා මණ්ඩලය 21 වැනි දිනය ප්‍රකාශයට පත් කළා.

1996 නොවැම්බර් මස 21 සහ 22 දිනවල එක්සත් ජාතීන්ගේ සංවිධානය ප්‍රථම ලෝක රූපවාහිනී සංසදය පැවැත්වූ අතර, එහිදී එක්සත් ජාතීන්ගේ අනුග්‍රහය යටතේ ප්‍රමුඛ පෙලේ මාධ්‍යවේදීන් වෙනස්වන ලෝකයේ රූපවාහිනිය මගින් ඉහළ යන වැදගත් කරණු සාකච්ඡා කිරීමත්, ඔවුන්ගේ අන්‍යෙන්‍යතාව සහයෝගීතාව වැඩිදියුණු කරන්නේ කෙසේදැයි සලසා බැලීමට රැස් වුණා.   එහිදී තීරණය කර ඇත්තේ, සෑම නොවැම්බර් ව 21 වැනි දිනයක්ම ලෝක රූපවාහිනී දිනය ලෙස ප්‍රකාශයට පත් කිරීමටයි.    

මහජන මතය දැනුවත් කිරීම, ලෝක දේශපාලනය කෙරෙහි බලපෑම් කිරීමේ ප්‍රධාන මෙවලමක් ලෙස රූපවාහිනිය පිළිගැණෙනවා.