සති දෙකක් තුළ එහි ඉදිකිරීම් අවසන් කිරීමට සැලසුම් කර තිබුණද, දින 10කින් පමණ එය නිම කිරීමට අපේක්ෂා කරන බවයි ගුවන් හමුදා මූලස්ථානය පවසන්නේ.
එහි ඉදිකිරීම් ගුවන් හමුදාපති එයාර් මාෂල් සුමංගල ඩයස් මහතාගේ නිරීක්ෂණයට ලක්විය. රෝගීන් තිස් දෙනෙකුට පමණ එම ස්ථානයේ පහසුකම් සැලසිය හැකි බව වෛද්‍යවරුන් පවසයි. වෛද්‍යවරුන් හා රෝගීන් එකිනෙකා මුණගැසීම අවම වන පරිදි නව සැලසුමකට අනූව එය ඉදි කිරීමට අපේක්ෂිතයි. පුත්තලම පාලාවි, කිලිනොච්චි, ඉරනමඩු හා යාපනය පලාලි යන ප්‍රදේශවල ද නව නිරෝධායන මධ්‍යස්ථාන ඉදි කෙරෙන අතර එය සිදු කෙරෙන්නේ ගුවන් හමුදාවේ දායකත්වයෙන්.
