සෞඛ්‍ය, පෝෂණ හා දේශීය වෛද්‍ය අමාත්‍යංශ සහ ශ්‍රී ලංකා තොරතුරු හා සන්නිවේදන තාක්ෂණ ඒජන්සිය (ICTA) එක්ව මෙම යෙදුම දියත් කරන ලදී.
ගෝලීය වසංගතය ශ්‍රී ලංකාවේ ව්‍යාප්තිය ආරම්භ වීමත් සමඟ ආසාදිත පුරවැසියන්ගේ සංඛ්‍යාව දිනෙන් දින ඉහළ යාමත් සමඟ ශක්තිමත් ජංගම යෙදුමක අවශ්‍යතාව පිලිබඳව ජනාධිපති ගෝඨාභය රාජපක්ෂ මැතිතුමාගේ ද අවදානය යොමුවිය. ඒ අනුව ශ්‍රී ලංකා තොරතුරු හා සන්නිවේදන තාක්ෂණ නියෝජිත ආයතනය මෙම යෙදවුම හඳුන්වාදුන් අතර ඒ සඳහා පෞද්ගලික ආයතන හා විවිද පුද්ගලයන් විශාල දායකත්වයක් දක්වන ලදී.
වෛරස ආසදිතයන් පිලිබදව වෛද්‍ය බලධාරීන් විසින් බෙදාගන්නා ලද දත්ත මෙම යෙදුම තුලින් අදාල අංශ වෙත ලබාදීම, බෙදාහැරීම, සහ අවශ්‍ය ප්‍රතිචාර ලබාදීම සිදුකෙරේ. Google play, Huawei Appstore සහ apple app store, මගින් මෙම යෙදවුම බාගතකරගත හැකිය. මෙම යෙදුම හා සම්බන්ද වන පුරවැසියන්ට ඔවුන්ගේ ස්ථානය සටහන් කිරීමට නියම කරනු ලැබේ.
මෙම යෙදුමේ ප්‍රධාන ලක්ෂණය නම් වෛරසය වැළඳී ඇති පුද්ගලයෙකු අනාවරණය වූ විට එම තොරතුරු සියලු පරිශීලකයින් සමඟ බෙදා ගැනීමයි. ඒ අතරම, ආසාදිත පුද්ගලයාගේ ගමන් මාර්ගය ඔබේ සිටින ස්ථාන හා සමගාමිව සිතියම් ගත කරන අතර එමඟින් යෙදුමේ පරිශීලකයා වෛරසයට ගොදුරු වූ අවාසනාවන්ත අවස්ථාවකදී, ගබඩා කර ඇති ස්ථාන පිළිබද ඉතිහාස තොරතුරු අදාළ අංශ සමඟ හෙළි කළ හැකිය. එමෙන්ම පසුගිය දින 14 තුළ පටිගත කරන ලද තොරතුරු පරිශීලකයාගේ අවසරයකින් තොරව කිසිදු බාහිර පද්ධතියකට එම තොරතුරු සම්ප්‍රේෂණය නොකෙරේ.
මෙය සිදු කරනුයේ ඔබගේ දත්ත සුරක්ෂිතව තබා ගැනීම සහතික කිරීමත් සමගිනි. එමෙන්ම ඔබ ආසාදිත පුද්ගලයෙකු සමීපව ඇසුරු කර ඇත්නම්, ඔබට ජාතික රෝග නිරීක්ෂණ පද්ධතිය සමඟ ස්වයංක්‍රීයව ලියාපදිංචි වීමට අවස්ථාව උදාවේ. කොරෝන ආසදිත්යන් හදුනාගැනීම, ව්‍යාප්තිය පාලනය කිරීම ආසදිතයන්ගෙන් අනෙකුත් අයට ආරක්ෂා විමටත් මෙමගින් හැකියාව ලැබේ.
