පසුගිය මැයි 21 වැනි දින නිකුත් කළ ගැසට් නිවේදනය අනුව, ඇතැම් භාණ්ඩ ආනයනය නරත කළ අතර තවත් භාණ්ඩ දින 90ත් 180ත් අතර අයිරාවක් මතද ආනයනයට සීමා පැණවීය.
කෙසේ වෙතත් ඒ වන විටත් ඇණවුම් කර තිබූ නැව්ගත කර තිබූ හා වරායට පැමිණි ගුදම්වල තිබූ භාණ්ඩ පිරවූ කන්ටේනර් සඳහා ද මෙම හදිසියේ පැනවූ තහනම බලපෑම හේතුවෙන් ව්‍යාපාරිකයින් දැඩි අසීරු තත්ත්වයට පත්ව ඇත.
එමෙන්ම මෙම කන්ටේනර් මුදා ගැනීමට සහන කාලයක් ලබා නොදීම හේතුවෙන් විශාල රේගු ගාස්තුවක් හා වරායට ප්‍රමාද ගාස්තුවක් ද ගෙවීමට සිදුව තිබේ.
මෙම තත්ත්වය මත ඉදිරියේ දී අත්‍යවශ්‍ය භාණ්ඩවල හිඟයක් හා මිල වැඩිවීමක් ඇතිවීම වැළැක්විය නොහැකි බව, අත්‍යවශ්‍ය ආහාර ද්‍රව්‍ය ආනයනකරුවන් හා 04 වැනි හරස් වීදියේ තොග ව්‍යාපාරිකයෝ පවසති.
