දින 15ක් පමණ කාලයකදී මුළු රටම ආවරණය වන පරිදි මේ එන්නත සමස්ත ජනතාවටම දීමට රජය සැලසුම් කර ඇති බව ප්‍රාථමික සෞඛ්‍ය සේවා, වසංගත රෝග හා කොවිඩ් රෝග පාලන කටයුතු රාජ්‍ය අමාත්‍යාංශයේ ලේකම් විශේෂඥ වෛද්‍ය අමල් හර්ෂ ද සිල්වා මහතා පැවසුවේය.
කොවිඩ් - 19 එන්නත සමස්ත ජනගහනයටම දීමෙන් පසු ලෝකයේම ඇති කොවිඩ් - 19 න් ආරක්ෂිතම රට ශ්‍රී ලංකාව බවට පත්වන්නේ යැයිද ඒ මහතා වැඩිදුරටත් ප්‍රකාශ කරයි.
වයස අවුරුදු 18ට අඩු දරුවන්, මව් කිරි දෙන මවුවරුන්, ගැබිනි මවුවරුන් යනාදීන්ට එන්නත දීම නොකරන බවත් ඔවුන් හැරුණු විට එන්නත දීම සඳහා අවශ්‍ය වන්නේ මෙරට ජනගහනයෙන් ලක්ෂ 120කට පමණක් බවත් ඔහු කියා සිටියේය.
