ශිෂ්‍ය සංඛ්‍යාව 200ට අඩු පාසල්වල අධ්‍යාපන කටයුතු පසුගිය 21 වැනිදා ආරම්භ කෙරුණු අතර, ශිෂ්‍ය සංඛ්‍යාව 200ට වැඩි සියලු පාසල්වල 1 සිට 5 දක්වා ශ්‍රේණිවල අධ්‍යාපන කටයුතු අද ආරම්භ කිරීමට නියමිතය.
මීට සමගාමීව රජයේ අනුමත පෞද්ගලික පාසල්වල ප්‍රාථමික අංශ ද අද සිට ආරම්භ වේ.
මේ අතර, වැඩ වර්ජනයේ නිරත වූ ගුරු හා විදුහල්පති සමිති සන්ධානයට අයත් ගුරු විදුහල්පතිවරු ද අද සිට අදාළ පාසල්වල සේවයට වාර්තා කිරීමට තීරණය කර ඇත. නමුත් ඔවුන් බාහිර රාජකාරීවලින් තොරව ඉගැන්වීම් රාජකාරිවලට පමණක් ප්‍රමුඛත්වය දී කටයුතු කරන බවට ප්‍රකාශ කර තිබේ.
