කොළඹ - දිසා අධිකරණය පැනවූ වාරණ නියෝගයට අනූව එක්සත් ජාතික පක්ෂ හිටපු පාර්ලිමේන්තු මන්ත්‍රී සමන් රත්නප්‍රිය මහතා සභාපතිත්වය දරන රජයේ හෙද නිලධාරීන්ගේ සංගමය, වර්ජනයෙන් ඉවත් විය.
වර්ජනයෙන් ඉවත් වූ හෙද නිලධාරීන් රැසක් අද දිනයේ සේවයට වාර්තා කළේය.
රජයේ හෙද නිලධාරීන්ගේ සංගමය හැර අනෙක් වෘත්තීය සමිති 17 තවදුරටත් වර්ජනයේ නිරත වෙයි. මේ හේතුවෙන් රෝහල්වල සහ සෞඛ්‍ය ආයතනවල රසායනාගාර කටයුතු, විකිරණ පරීක්ෂණ සහ ඖෂධ බෙදා හැරීම අඩපණ වී ඇති බවයි, වාර්තා වන්නේ. ප්‍රතිකාර ලබා ගැනීමට පැමිණෙන රෝගීන් මේ පිළිබඳ දැඩි අපහසුතාවයට පත්ව තිබේ.
