නාවික හමුදා මුලස්ථානයේදී එය සිදු කෙරුණු අතර, එම අවස්ථාවට නාවික හමුදාපති වයිස් අද්මිරාල් නිශාන්ත උළුගේතැන්න මහතා ද සහභාගී විය.
ශ්‍රී ලංකාව, කිලෝමීටර 1340ක දුර ප්‍රමාණයකින් යුත් වෙරළ තීරයකට සහ වර්ග කිලෝ මිටර් 510,000 ක අනන්‍ය ආර්ථික කලාපයකට හිමිකම් කියනු ලබන අතර, මෙම වෙරළ තීරයේ සහ අනන්‍ය ආර්ථික කළාපයේ ආරක්‍ෂාව සම්බන්ධයෙන් මෙන්ම ගොඩබිම මෙන් 27 ගුණයක් විශාල සමුද්‍රීය සෙවීම් හා මුදවා ගැනීම් කළාපය සඳහා ද ශ්‍රී ලංකාව වගකියනු ලබයි.
එසේම ශ්‍රී ලංකාවේ දකුණු ප්‍රදේශයට ආසන්න ජාත්‍යන්තර මුහුදු ගමන් මාර්ගය ඔස්සේ වෙළඳ නෞකා විශාල ප්‍රමාණයක් යාත්‍රා කරන බැවින්, එම මුහුදු කළාපයේ ආරක්‍ෂාව සම්බන්ධයෙන් ද දූපත් රාජ්‍යයක් වශයෙන් ශ්‍රී ලංකාවට සුවිශේෂී වගකිමක් පැවරී ඇත.
