නීතිපති ඉදිරිපත් කළ අධිචෝදනා පත්‍ර සලකා බැලීමෙන් පසුව කොළඹ මහාධිකරණ විනිසුරු ගිහාන් කුලතුංග මහතා විසින් නොතිසි නිකුත් කළේය.
බලපත්‍රයක් නොමැතිව "සකුරා" නැමති අලි පැටවකු තබා ගැනීම තුළින් පොදු දේපළ පනත යටතේ වරදක් සිදුකර ඇති බවට චෝදනා කරමි නීතිපතිවරයා විසින් තිලිණ ගමගේ මහතා ඇතුළු හතර දෙනෙකුට එරෙහිව කොළඹ මහාධිකරණයේ නඩු පවරනු ලැබිණ.
සෙසු විත්තිකරුවන් ලෙස අලි පැටවාගේ මුල් අයිතිකරු ලෙස පෙනී සිටි චන්ද්‍රරත්න බණ්ඩාර යටවර, වනජීවී දෙපාර්තමේන්තුවේ හිටපු සහකාර අධ්‍යක්ෂවරයකු වන උපාලි පද්මසිරි සහ ලිපිකාරුණික වන ප්‍රියන්කා සංජීවනී යන අය නම් කර ඇත.
