පැරිස් වේලාවෙන් අද(12) උදෑසන 9ට පමණ මෙම පිපිරීම හට ගෙන තිබේ.

නගර මධ්‍යයේ ඇති වූ මෙම විශාල පිපිරීම සමග ඇති වූ ගින්න නිසා ආසන්න වශයෙන් 20 දෙනෙකු පමණ තුවාල ලබා ඇති අතර ඉන් 9 දෙනෙකුගේ පමණ තත්වය බරපතල බවයි වාර්තා වේ.

පිපිරීමේ හඬ කිලෝමීටර් 2ක් පමණ දුරකට ශ්‍රවණය වූ අතර අවට තිබූ කඩ සාප්පු සහ රථ වාහන විශාල ප්‍රමාණයක් දැඩි ලෙස අලාභානි වී ඇත.

මෙම පිපිරීම ගෑස් කාන්දුවක් නිසා සිදූ වී ඇති බවට පැරිස් පොලීසිය සැක කරන අතර ඒ පිළිබඳ වැඩිදුර විමර්ශන පැවැත්වේ