අමෙරිකානු ජනාධිපතිවරයා දුර්වල මතකයක් සහිත වයෝවෘද පුදලයෙකු බැවින් ඔහුට චෝදනා ගොනු කළ නොහැකි බවයි.
ලෝක බලවතාගේ මකතය මැකිලා
පෙබ 09,
2024
රහසිගත රාජ්‍ය ලිපිගොනු ලඟ තබා ගැනීම සම්බන්ධයෙන් අමෙරිකානු ජනාධිපතිවරයාට චෝදනා ගොනු නොකිරීමට ඒ පිළිබඳ පත්කල විශේෂ උපදේශකවරයා තීරණය කර තිබෙනවා.
වාර්තාව පවසන්නේ ජනාධිපතිවරයා සිය මතක සටහන් සඳහා ලේඛකයෙකු සමඟ සංවේදී කරුණු කිහිපයක් හුවමාරු කරගෙන ඇති බවයි.
නමුත් විශේෂ නීතීඥවරයාගේ නිගමනය වන්නේ ජනාධිපතිවරයා "මතක දුර්වල මිනිසකු" ලෙස පෙනී සිටින බැවින් ඔහු වරදකරු කිරීම අපහසු බවයි. මෙම කරණු සම්බන්ධයෙන් වන මෙම ලිපිගොනු 2022-23 කාලයේදී බයිඩන් මහතාගේ නිවසේ සහ හිටපු පෞද්ගලික කාර්යාලයේ තිබී සොයා ගන්නා ලදී.
සංවේදී බුද්ධි මූලාශ්‍ර සහ ක්‍රම සම්බන්ධ කරමින් ජාතික ආරක්ෂාව සහ විදේශ ප්‍රතිපත්ති කරුණු පිළිබඳව බයිඩන් මහතාගේ ඇතුළත් කිරීම් අඩංගු සටහන් පොත් එම ලිපිගොනුවලට ඇතුළත් වී තිබුණා.
පිටු 345 කින් යුත් වාර්තාව පසුගිය බ්‍රහස්පතින්දා ප්‍රසිද්ධියේ නිකුත් කරන ලද්දේ ධවල මන්දිරය කිසිදු සංශෝධනයක් ඉල්ලා නොසිටින බව පැවසීමෙන් පසුවය.
විමර්ශකයින් ජනාධිපති බිඩෙන් ද ඇතුළුව සාක්ෂිකරුවන් 147 දෙනෙකු‌ගෙන් මේ සම්බනධයෙන් තොරතුරු සටහන් කරගෙන තිබූ බවයි විදෙස් මාධ්‍ය වාර්තා පවසන්නේ.
මෙහිදී සඳහන් කර ඇත්තේ ජනාධිපතිවරයාට ඉතා බරපතල ආකාරයේ මතකය පිළිබඳ ගැටලු තිබෙන බවයි. ජනාධිපතිවරයාට ඔහුගේ පුත්‍රයාගේ මරණය පවා අමතක වී ඇති බවයි එම වාර්තාවෙන් දක්වා ඇත්තේ.
මේ පිළිබඳව දැඩි කෝපයෙන් යුතුව අදහස් දක්වමින් 81 හැවිරිදි ජනාධිපතිවරයා පවසා ඇත්තේ තමා‌‌ට ඉතා හොඳ මතක ශක්තියක් ඇති බවයි.
තමා‌ගේ පුත්‍රයාගේ මරණය මතක් කර දීමට කිසිවෙකුත් අවශ්‍ය නොවන බවයි ඔහු පවසා සිටියේ.
