ඉන්දීය විදේශ අමාත්‍ය ආචාර්ය එස් ජයිශංකර් මහතා දෙදින නිල සංචාරයක් සදහා කටුනායක බණ්ඩාරනායක ජාත්‍යන්තර ගුවන්තොටුපොළින් අද (05) පස්වරුවේ දිවයිනට පැමිණියේය. ඔහු සමග ඉන්දීය විදේශ අමාත්‍යාංශයේ උසස් නිලධාරීන් දෙදෙනෙක් ද පැමිණ සිටියි.
පිරිස පිළිගනු ලැබුවේ රාජ්‍ය අමාත්‍ය තාරක බාලසූරිය මහතා හා විදේශ අමාත්‍යාංශයේ නිලධාරීන් විසින්.
ශ්‍රී ලංකාවේ ඉන්දීය මහ කොමසාරිස් කාර්යාලයේ නිලධාරීන් පිරිසක් ද ඉන්දීය විදේශ අමාත්‍යවරයා පිළිගැනීමට කටුනායක ගුවන් තොටුපොළේ විශේෂ අමුත්තන්ගේ මැදිරිය වෙත පැමිණ සිටියේය.
ඉන්දීය විදේශ අමාත්‍යවරයා ජනාධිපතිතුමා,අගමැතිතුමා හා විදේශ අමාත්‍යවරයා ඇතුලු ශ්‍රී ලංකා රජයේ ජ්‍යෙෂ්ඨයන් හමුවේ සාකච්ඡා පැවැත්වීමට නියමිතයි.
