"තේරිම් කාරක සභාව සම්බන්ධයෙන් සභාවේ වැරදි අර්ථකතන සිදු වෙනවා. තේරිම් කාරක සභාව ඉල්ලුවේ 21 සිද්ධියේ සියලු සිද්ධීන් අධ්‍යයනය කරන්න. යම් ප්‍රශ්නයක් අමාත්‍යවරුන්ට තිබෙනවා නම් ඒ ගැන සොයා බැලිය යුතුයි. තේරිම් කාරක සභාව මඟින් අමාත්‍ය රිෂාඩ් බද්යුදීන් මහතාට යම් චෝදනාවක් තිබේ නම් එය ද සොයා බැලිය හැකියි" යනුවෙන් මන්ත්‍රීවරයා මෙහිදී ප්‍රකාශ කළේය.
විපක්ෂයේ මන්ත්‍රීවරු විසින් අමාත්‍යවරයා සම්බන්ධයෙන් ගෙනා විශ්වාසභංග යෝජනාව විවාදයට ගත යුතු යැයි කියා සිටියේ ය. මෙහිදී නැඟී සිටි අමාත්‍ය රිෂාඩ් බද්යුදීන් මහතා තමන් වෙත සිදු කරන සියලු චෝදනා ප්‍රතික්ෂේප කරන බව පැවසී ය.
"මන්ත්‍රීවරු පිළිබඳ යම් තීරණයක් ගැනීමට යම් කාලයක් අවශ්‍යයි.තේරිම්කාරක සභාවක් පත්කර එයින් අතුරු වාර්තාවක් අමාත්‍යවරයාට විරුද්ධව ඇති කාරණා තිබේ නම් ඉදිරිපත් කළ හැකියි. අද තිබෙන්නේ යෝජනාවක් පමණයි" යැයි අඳහස් දැක්වූ පාර්ලිමේන්තු මන්ත්‍රී ආචාර්ය ජයම්පති වික්‍රමරත්න මහතා පවසයි.
මෙහිදී අඳහස් දැක්වූ රාජ්‍ය අමාත්‍ය නිරෝෂන් පෙරේරා මහතා; "සිය ගණනක් මැරුණා. ඔවුන් වෙත සාධාරණයක් ඉටු විය යුතුයි. මගේ ස්ථාවරයේ වෙනසක් නෑ. අන්තවාදය තුරන් කිරීමට සියලු දෙනා එක් වී කටයුතු කළ යුතුයි."
විපක්ෂ නායක මහින්ද රාජපක්ෂ මහතා අඳහස් දක්වමින් සඳහන් කළේ,"කතානායකවරයා තීන්දුවක් ගන්න.විවාදයක් ලබාදෙන්න.ඔබතුමා තීන්දුවක් ගන්න. ජනතාව තුළ තිබෙන සැකය ඉවත් කරන්න. අග්‍රාමාත්‍ය රනිල් වික්‍රමසිංහ ප්‍රතික්ෂේප කර නෑ. විශේෂයෙන්ම තේරීම්කාරක සභාවක් පත් කරන්නේ පාර්ලිමේන්තුවෙන්. මේ තේරුම් කාරක සභාවේන් ඕනෑම මන්ත්‍රීවරයෙක් ගැන සොයා බැලිය හැකියි. පාර්ලිමේන්තුවේ ඕන මන්ත්‍රීවරයකු ගැන සොයා බලන්න. යෝජනාවන් කිසිවක් ප්‍රතික්ෂේප කර නෑ. දිනයක් දාගන්න. අප පැනලා යන්නේ නෑ. මේ රටේ ජනතාව බලාපොරොත්තු වෙනවා. කිසිවක් වහන්න යන්නේ නෑ. එය අපට දෙන්න පුළුවන්."
කතනායක කරූ ජයසූරිය මහතා මෙහි දී ප්‍රකාශ කළේ "මේ ගැන සාකච්ඡා කළා. ඊයේ පක්ෂ නයක රැස්වීමේ දී එකඟ වුණා. ජූනි මස දිනයක් දෙන්න පුළුවන්. පක්ෂ නායක රැස්වීමක් තිබෙනවා එහිදී දිනයක් ගැන තීරණයක් ගන්න පුළුවන්. මේ සම්බන්ධයෙන් හෙට දිනයක් ලබාදෙනවා." එ අනුව එකාබද්ධයෙන් විරෝධතාවක් මතුවු අතර පාර්ලිමේන්තුව හෙට පෙරවරු 10.30 දක්වා කල් තැබිණ.
