ඒ, ඊයේ පැවති තරගයේදී ඕමාන කණ්ඩායමට එරෙහිව ලකුණු 217 ක විශිෂ්ට ජයක් වාර්තා කරමින්.

තරගය පැවැත්වුණේ කොළඹ ආර්.ප්‍රේමදාස ක්‍රිකට් ක්‍රීඩාංගණයේදී. කාසියාවේ වාසිය දිනූ ඕමාන කණ්ඩායම පළමුවෙන් පන්දුවට පහර දීමේ අවස්ථාව ශ්‍රී ලංකාවට ලබා දුන්නා. ඒ අනුව, ශ්‍රී ලංකා ඒ කණ්ඩායම පන්දුවාර 50 අවසානයේ කඩුලු 8 ක් දැවී රැස් කළ ලකුණු සංඛ්‍යාව 259 ක්. පසිඳු සූරියබණ්ඩාර ලකුණු 60 යි. සහන් ආරච්චිගේ ලකුණු 48 ක් සහ ලසිත් කෲස්පුල්ලේ ලකුණු 42 ක් රැස් කළා. පිළිතුරු ලෙස ඕමාන ඒ කණ්ඩායමට පන්දුවාර 17 පන්දුවක් අවසානයේ සියලු ක්‍රීඩකයින් දැවී රැස් කිරීමට හැකිවූයේ ලකුණු 42 ක් පමණයි. පන්දු යැවීමේදී චාමික කරුණාරත්න කඩුලු 3 ක් බිඳහෙලුවා. දුනිත් වෙල්ලාලගේ, ප්‍රමෝද් මධුෂාන් සහ ලහිරු සමරකෝන් කඩුලු 2 බැගින් දවා ගත්තා. මෙම ජයග්‍රහණයත් සමග ශ්‍රී ලංකාව අවසන් පූර්ව තරගයට සුදුසුකම් ලැබුවේ ඒ කොටසේ ‍ලකුණු සටහනට අනුව පෙරමුණ ගනිමින්.