ඒ, මත්පැන් අලෙවිය සම්බන්ධයෙන් නගරයේ ප්‍රතිපත්තිවලට අදාළව ඔහුට එරෙහි දූෂණ චෝදනා සම්බන්ධවයි.
ප්‍රබල ඇමතිවරයෙක්ට මාංචු
මාර් 22,
2024
ඉන්දියාවේ ප්‍රකට විපක්ෂ දේශපාලනඥයෙකු සහ දිල්ලි මහ ඇමති අරවින්ද් කෙජ්රිවාල් අත්අඩංගුවට ගෙන තිබෙනවා.
දිල්ලි මහ ඇමති අරවින්ද් කෙජ්රිවාල් අත්අඩංගුවට ගනු ලැබ ඇත්තේ, ඉන්දියාවේ මූල්‍ය අපරාධ ඒජන්සිය විසින්.
කෙජ්රිවාල් සහ ඔහුගේ පක්ෂය වන ආම් ආද්මි පක්ෂය පවසන්නේ අදාළ චෝදනා පදනම් විරහිත බවයි. එම චෝදනා දේශපාලනික වුවමනා මත සිදු කරන ලද්දක් බව ඔවුන් කියා සිටිනවා.
දිල්ලි මහ ඇමතිවරයා අත්අඩංගුවට ගෙන ඇත්තේ ඉන්දීය මහ මැතිවරණයේ ඡන්ද විමසීම ආරම්භ වීමට සති කිහිපයකට පෙරයි.
ඉන්දීය ආර්ථික අපරාධ බලාත්මක කිරීමේ අධ්‍යක්ෂක ඒජන්සි සාමාජිකයින් විසින් ඉකුත් බ්‍රහස්පතින්දා කෙජ්රිවාල්ගේ නිවස සෝදිසි කිරීමෙන් පසුව මෙම අත්අඩංගුවට ගැනීම සිදු කර ඇති බව විදෙස් මාධ්‍ය වාර්තාවල සඳහන්.
2022 වසරේදි දිල්ලි රජය ක්‍රියාත්මක කළ මධ්‍යසාර විකිණීම සම්බන්ධ ප්‍රතිපත්තියක් රජයේ ඒකාධිකාරය අවසන් කර පෞද්ගලික සිල්ලර වෙළෙදුන් වෙත වාසි අරමුණෙන්, ලබා දුන් බවට චෝදනා කරමින් මෙම නඩුව ගොනුකර තිබෙනවා.
බලධාරීන් පවසන්නේ, අරවින්ද් කෙජ්රිවාල් නඩුවේ බොහෝ සිතාසි නොසලකා හැර ඇති බවයි.
