කොළඹ අද පැවති උත්සවයකින් අනතුරුව ඔහු මාධ්‍යයට මේ බව කියා සිටියේය. “මාර්තු මස මුල් සතිය තුළ පාර්ලිමේන්තුවේ කාලය වසර හතරහමාරක් ඉවර වුණාට පස්සේ ජනාධිපතිතුමා විසුරුවීමට සූදානම් බවට මතයක් පැතිරෙමින් පවතිනවා. ඒ අනුව මැතිවරණ කොමිසන් සභාවේ නිලධාරීන්ට දැන්වූවා පසුගිය පෙබරවාරි 05 වැනිදා සිට අවශ්‍ය මුලික කටයුතු සූදානම් කරන්න. අපි හිතනවා මාර්තු 1 හෝ 2, 3 විසුරුවා හැරියොත් ඡන්ද විමසීම තියන්න පුලුවන් වෙන්න ඕනේ වෙසක් උත්සවයට පෙර. මැයි දිනයත් එන නිසා පහසුම දින වෙන්නේ අප්‍රේල් 25, 27, 28, 29 යන දිනයන්“ යැයි මහින්ද දේශප්‍රිය මහතා පැවසීය.