සැකකරු සමඟ අමරිකානු ඩොලර් 500 ක් හා තවත් විදේශීය මුදල් නෝට්ටු කීපයක්ද පොලිස් භාරයට ගෙන තිබෙනවා.
කෝටියක කොකේන් ගිලූ විදේශිකයෙකු අල්ලයි
නොවැ 07,
2024
රුපියල් කෝටියකට ආසන්න වටිනා කොකේන් මත්ද්‍රව්‍ය ගුලි තොගයක් ගිල දමා සිටි සීරාලියොන් ජාතිකයෙකු බොරැල්ල කොටා පාර ප්‍රදේශයේදී අත්අඩංගුවට ගත් බව පොලිස් මත්ද්‍රව්‍ය නාශක කාර්යාංශය පවසනවා.
කොකේන් මිලිගෑම් 4700 ක් සමග තවත් පුද්ගලයෙකු ද අත්අඩංගුවට ගැනුණා.
ගාල්ල- පින්නදූව අධිවේගී පිවිසුමේදී, ගාල්ල වරායපොලිසිය මගින් කොකේන් මත්ද්‍රව්‍ය ග්‍රෑම් 279 ක් (ගුලි 19) සමඟ අත්අඩංගුවට ගත් සැකකරුවන් දෙදෙනෙකුගෙන් හෙළි වූ තොරතුරු අනූවයි, මෙම සැකකරු අත්අඩංගුවට ගැනුණේ.
අත්අඩංගුවට ගත් සැකකරු කොල්ලුපිටිය ප්‍රදේශයේ හෝටලයක නවාතැන් ගෙන සිට ඇති බවට ද තොරතුරු ලැබී තිබෙනවා.
සැකකරු වයස අවුරුදු 52 ක පුද්ගලයෙකු වන අතර අනෙක් සැකකරු වයස අවුරුදු 28 ක පුද්ගලයෙක්.
පොලිස් මත්ද්‍රව්‍ය නාශක කාර්යාංශය වැඩිදුර පරීක්ෂණ පවත්වනවා.
