විශ්‍රාමික යුධ හමුදා මේජර් ජෙනරාල් පාලිත ප්‍රනාන්දු සහ ඇවන්ගාඩ් සමාගමේ සභාපති නිශ්ශංක යාපා සේනාධිපතිට එරෙහිව අල්ලස් කොමිසම විසින් නඩු පැවරීමේදී එම කොමිසමේ කොමසාරිස්වරු විසින් ඊට අදාළ අනුමැතියක් ලබා දී තිබේද යන්න පිළිබඳව ලිඛිත දේශනා පෙබරවාරි මස 06 වනදා ඉදිරිපත් කරන ලෙස කොළඹ මහාධිකරණ නියම කර ඇත.

ගාලු වරායේ ආසන්න මුහුදු තීරයේ පාවෙන අවි ගබඩාවක් පවත්වාගෙන යාමේ සිද්ධිය සම්බන්ධයෙන්ව ඇවන්ගාඩ් මෙරිටයිම් සර්විස් සමාගමේ සභාපති නිශ්ශංක යාපා සේනාධිපති ඇතුළු 13 දෙනකුට එරෙහිව නඩුව ජූරි සභාවක් නොමැති ත්‍රිපුද්ගල මහාධිකරණ විනිසුරු මඩුල්ලකින් විභාග කිරීමට, විනිසුරුවරුන් නම් කරන ලෙස නීතිපති විසින් අගවිනිසුරු වෙත ඉල්ලීමක් ඉදිරිපත් කර තිබේ.