අපොස සාමාන්‍ය පෙළ විභාග මධ්‍යස්ථාන ආශ්‍රිත ඩෙංගු මර්දන කටයුතු තවදුරටත් කඩිනම් කිරීමට පියවර ගෙන ඇති බව, ජාතික ඩෙංගු මර්දන ඒකකය පවසනවා.

කොවිඩ් 19 වෛරසයේ ව්‍යාප්තිය හේතුවෙන් දැනට වසා දමා ඇති පාසල්, පිරිවෙන්, විද්‍යාපීඨ, ගුරු විද්‍යාල ඇතුළු සියලු ආයතනයන්හි පවිත්‍ර කිරීමේ කටයුතු නැවත ආරම්භ කර ඩෙංගු උවදුර මර්දනයට පියවර ගන්නා ලෙස අධ්‍යාපන අමාත්‍යාංශය නිලධාරීන්ට උපදෙස් ලබාදී තිබේ.

නව පාසල් වාරය ආරම්භයට පෙර සෑම පාසල් පරිශ්‍රයක්ම මදුරුවන් බෝවීමට ඉඩ නොමැති පරිශ්‍රයක් බවට සහතික කිරීම අත්‍යවශ්‍ය බව, සෞඛ්‍ය ප්‍රවර්ධන කාර්යාංශය පවසයි.