හිටපු ජනාධිපති ගෝඨාභය රාජපක්ෂ මහතාට, ඔහු බලාපොරොත්තු වන ඕනෑම මෙහොතක ශ්‍රී ලංකාවට පැමිණීමට,ශ්‍රී ලංකා රජය ආරක්ෂාව සැපයිය යුතු බවට, නිර්දේශ කරන බව, ශ්‍රී ලංකා මානව හිමිකම් කොමිෂන් සභාව ජනාධිපති රනිල් වික්‍රමසිංහ මහතාට ලිපියක් මගින් දන්වා තිබෙනවා.
සියලු ශ්‍රී ලාංකිකයන්ගේ ආරක්ෂාව, සමානාත්මතාවය හා ගෞරවය ආරක්ෂා කිරීමේ ජාතික වගකීමට එක්සත් ජාතීන්ගේ මානව හිමිකම් කවුන්සිලය හා සෙසු අන්තර්ජාතික සහකරුවන් සමග සහයෝගයෙන් ක්‍රියාකරන බව ශ්‍රී ලංකා රජය පවසයි.
