රෝහල් සෞඛ්‍ය තොරතුරු කළමනාකරණ පද්ධතිය (HHIMS) යටතේ රෝගීන් ලක්ෂ අනූ පහක් ලියාපදිංචි වෙයි.

රජයේ රෝහල්වල කාර්යක්ෂමතාවය ඉහළ නංවමින් රෝගීන්ට ප්‍රශස්ත සේවාවක් ලබා දීම වෙනුවෙන් හඳුන්වා දුන් රෝහල් සෞඛ්‍ය තොරතුරු කළමනාකරණ පද්ධතිය (Hospital Health Information Management System) මේ වන විට රෝහල් අසූවක පමණ සාර්ථක ලෙස ක්‍රියාත්මක වේ.

මෙම පද්ධතිය ඔස්සේ රෝගීන් මිලියන නමය හමාරකට අධික පිරිසක් ලියාපදිංචි වී සිටින අතර රෝගීන්ගේ ඉලෙක්ට්‍රොනික වෛද්‍ය වාර්තා මිලියනවිසි තුනක් පවත්වාගෙන යනු ලබන බව ශ්‍රී ලංකා තොරතුරු හා
සන්නිවේදන තාක්ෂණ නියෝජිතායතනය (ICTA) පවසයි.

රෝගීන් ලියාපදිංචි කිරීම, පරීක්ෂා කිරීම, ඖෂධ ඇනවුම් කිරීම, රසායනාගාර පරීක්ෂණ, විකිරණ පරීක්ෂණ ආදී සේවාවන් රැසක් මෙම පද්ධතිය මඟින් බල ගන්වා ඇත.

රෝහල වෙත රෝගියෙකු පැමිණීමෙන් පසු මෙම පද්ධතිය ඔස්සේ රෝගියා ලියාපදිංචි කෙරෙන අතර ඔහුට ම අනන්‍යඅංකයක් සහ කේතයක් (Barcode) හිමි වේ. රෝග විස්තර, ලබා ගත් ප්‍රතිකාර, අදාළ සෞඛ්‍ය වාර්තා, නියම කරන ලද ඖෂධ ඇතුළු සියලු විස්තර ඊට අයත් වේ. නැවත වරක් එම
පුද්ගලයා රෝහල වෙත පැමිණි විට පහසුවෙන් ප්‍රතිකාර ලබා දීමට ද මේ හරහා හැකි වේ.

තව ද මෙම පද්ධතිය ක්‍රියාත්මක වීමත් සමඟ විශේෂයෙන්ම රෝහල් පද්ධතිය පවත්වාගෙන යෑමේ මෙහෙයුම් පිරිවැය අවම කර ගැනීමට හැකි වී තිබෙන අතර බාහිර රෝගීන් කළමනාකරණය, නේවාසික රෝගීන් කළමනාකරණය, ඖෂධ තොග කළමනාකරණය, සායන කළමනාකරණය මෙන් ම
රෝගීන්ගේ සෞඛ්‍ය දත්ත වාර්තා පවත්වාගෙන යෑම ද පහසු වී ඇත.

වෛද්‍යවරුන් ඇතුළු සෞඛ්‍ය සේවා වෘත්තිකයින් සවිබල ගැන්වීමට මෙන් ම රෝගී සත්කාරක සේවාවන් ගැන ඉතා නිවැරැදි තීන්දු තීරණ ගැනීමට ද මෙමඟින් හැකි වී තිබෙන අතර කඩදාසි මත පදනම් ව පවත්වාගෙන ගිය සෞඛ්‍ය වාර්තා මෙම පද්ධතිය ක්‍රියාත්මක වීමත් සමඟ අවම වීම
නිසා පරිසර හිතකාමී සෞඛ්‍ය සේවාවකට මඟ පෑදී තිබේ.

රෝහලක සිට තවත් රෝහලකට රෝගියෙක් මාරු කර යැවීමේ දී එම රෝගියාට අදාළ සියලු විස්තර ද මෙම පද්ධතිය හරහා එම රෝහල වෙත ලබා දීමේ පහසුකම ද ඉදිරියේ දී ලබා දීමට නියමිතව තිබේ.

රජය මඟින් ජනතාවට ලබා දෙන සේවාවන් මෙසේ ඩිජිටල්කරණය කිරීමෙන් ඩිජිටල් ශ්‍රී ලංකාවක් කරා යන ගමන්මඟ තවත් අර්ථවත් කිරීමට හැකි වී තිබෙන බව ද ශ්‍රී ලංකා තොරතුරු හා සන්නිවේදන තාක්ෂණ නියෝජිතායතනය වැඩිදුරටත් සඳහන් කරයි.

රුපියල් කෝටි 357ක මුදලක් වැය කරමින් ගාල්ල කරාපිටියේ ඉදිකෙරෙන දකුණු ආසියාවේ විශාලතම මාතෘ රෝහල මේ වසර අවසානයට පෙර විවෘත කිරීමට සැලසුම් සකස් කර තිබෙනවා.

රජයේ රෝහල්වල ගෙවන වාට්ටු පහසුකම් හඳුන්වා දීමට කැබිනට් මණ්ඩලයේ අනුමැතිය හිමිව තිබෙනවා.

කටුපොත ප්‍රාදේශීය රෝහලේ හදිසියේ රෝගියකු මියයාම හේතුවෙන් එම රෝහලේ බාහිර රෝගී අංශය අද (16) දහවල් 12.30 සිට තාවකාලිකව වසා දමා තිබේ.

කොරෝනා රෝගීන් රඳවා තබා ගැනීමේ දෙමහල් වාට්ටු සංකීර්ණයක් තංගල්ල ප්‍රදේශයේ දී ඉදි කිරීම ආරම්භ කර තිබේ.

කොවිඩ් -19 හෙවත් නව කොරෝනා වෛරසය ආසාදනය වූ තවත් පුද්ගලයෙකු සුවය ලබා තිබේ.

අනුරාධපුර,මිහින්තලේ සහන සත්කාරක රෝහලේ ඉදිකිරීම්, ඊයේ ආරම්භ කෙරිණ. ශාන්ති පදනම ඊට වැය කරන මුදල රුපියල් ලක්ෂ 1,500ක්.

නව කොරෝනා වෛරසය ආසාදනය වී ජාතික බෝවන රෝග විද්‍යායතනයේ ප්‍රතිකාර ලබා සම්පූර්ණයෙන්ම සුවය ලැබූ චීන ජාතික කාන්තාව අද (19) එම රෝහලෙන් පිටව ගියාය.