කුරුණෑගල රාජ සභා ගොඩනැගිල්ල කඩා ඉවත් කිරීමට එරෙහිව ගොනු කළ පෙත්සමක් සම්බන්ධයෙන් මැයි මස 18 දා අධිකරණය හමුවේ කරුණු දක්වන ලෙස නොතීසි නිකුත් කරයි.

කුරුණෑගල නගර මධ්‍යයේ පිහිටි බුවනෙකබා රජ සමයට අයත් බවට සැලකෙන පෞරාණික රාජ සභා ගොඩනැගිල්ලත් කඩා ඉවත් කිරීමේ සිද්ධිය සම්බන්ධයෙන් කුරුණෑගල නගරාධිපති තුෂාර සංජීව විතාරණ මහතා ඇතුළු පස් දෙනෙක් අත්අඩංගුවට ගන්නා ලෙස දන්වමින් නිකුත් කර තිබෙන වරෙන්තු ක්‍රියාත්මක කිරීම වළක්වාලමින් තහනම් නියෝග නිකුත් කිරීමේ සිද්ධියට අදාළ පෙත්සම් වලට විරෝධතා ගොනු කිරීම සඳහා අභියාචනාධිකරණයය අද නීතිපතිවරයා වෙත නොවැම්බර් මස 12 වැනි දා දක්වා කල් ලබා දුන්නේය.

කුරුණෑගල ඓතිහාසික බුවනෙකබා රාජ සභා ගොඩනැගිල්ල කඩා ඉවත් කිරීමේ සිද්ධිය සම්බන්ධයෙන් චෝදනා එල්ල වී සිටින කුරුණෑගල නගරාධිපති තුෂාර සංජීව විතාරණ මහතා අත්අඩංගුට ගෙන අධිකරණයට ඉදිරිපත් කර නීතිය ක්‍රියාත්මක කරන ලෙස වැඩබලන පොලිස්පතිවරයා ඇතුළු වගඋත්තරකරුවන් වෙත නියෝගයක් නිකුත් කරන ලෙස ඉල්ලා අභියාචනාධිකරණයට ඉදිරිපත් කර තිබෙනවා.