තවුහිද් නායක සහරාන්ගේ බිරිඳ අදත් පාපොච්චාරණයක
කොළඹ ෂැංග්‍රිල්ලා හොටලයට බෝම්බ ප්‍රහාරයක් එල්ල කරමින් මිය ගිය ජාතික තවුහිත් ජමාද් සංවිධානයේ නායක සහරාන් මොහොමඩ් කාසිම්ගේ බිරිඳ වන අබ්දුල් කාදර් ෆාතිමා සාදියා අද කොටුව මහේස්ත්‍රාත්වරයා හමුවේ තෙවන දිනටත් විශේෂ පාපොච්ඡාරණයක් කළාය.
අපේ‍්‍රල් 21 ත‍්‍රස්ත ප‍්‍රහාරයෙන් පසුව අම්පාර සයින්දමර්දු ප්රදේශයේ දී අත්අඩංගුවට ගත් පුපුරණ ද්‍රව්‍ය තොගය පිළිබඳ පොලිසියට තොරතුරු ලබාදුන් නිට්ටඹුව ප්රදේශයේ ලොරි රථ රියදුරු වෙත රුපියල් ලක්ෂ 50ක මුදල් ත්‍යාගයක් ජනාධිපති මෛතී‍්‍රපාල සිරිසේන මහතා විසින් පිරිනැමීය.
පාස්කු ඉරුදින මරාගෙන මැරෙන බෝම්බ ප්‍රහාරයන් සිදු කරන ලද ප්‍රහාරකයන්ගේ හා ඔවුන්ගේ ඥාතීන්ගේ DNA පරීක්ෂණ වාර්තා අද (21) රජයේ රස පරීක්ෂණ දෙපාර්තමේන්තුව විසින් නිකුත් කර තිබේ. මෙම DNA පරීක්ෂණ වාර්තා ලැබි ඇති බව අද පස්වරුවේ ආරක්ෂක අමාත්‍යංශයේ මාධ්‍ය කේන්ද්‍රයේ පැවති මාධ්‍ය හමුවේදී පොලිස් මාධ්‍ය ප්‍රකාශක පොලිස් අධිකාරී රුවන් ගුණසේකර මහතා මෙම බව අනාවරණ කළේය.
ජාතික තවුහිත් ජමාද් සංවිධානයේ නායකයා වූ සහරාන් මොහොමඞ් කාසිම්ගේ ඞී එන් ඒ හඳුනාගැනීම සඳහා ඔහුගේ දියණියගේ (04) රුධිර සාම්පල ගෙන රජයේ රස පරීක්ෂක වරයා වෙත යොමු කර වාර්තාවක් ඉදිරිපත් කිරිමට කොළඹ අධිකරණ වෛද්‍යවරයාට කොළඹ කොටුව මහේස්ත‍්‍රාත් රංග දිසානායක මහතා අද 10 නියෝග කළේය.
