එවක යුද හමුදාපති සරත් ෆොන්සේකා ඝාතනය කිරීමට තැත් කිරීමට අදාළ නඩුවේ තුන්වන විත්තිකරු පොලිසියට ලබාදී ඇති පාපොච්චාරණය ඔහු විසින් ස්වෙච්ඡාවෙන්ම ලබාදී ඇති එකක් යැයි කොළඹ මහාධිකරණය අද(29) තීන්දු කර තිබේ.
අල්ලස් ගත් වෛද්‍යවරයාගේ නඩුවේ විභාගය ලබන 10 වැනිදා
කුලියාපිටිය මුලික රෝහලේ හිටපු විශේෂඥ වෛද්‍ය ආර්.එම්. තෙන්නකෝන්වෙල මහතා රුපියල් 75000/- ක අල්ලසක් ලබා ගැනිමේ නඩුවේ විභාගය ඔක්තෝබර් 10 වනදා ආරම්භ කිරීමට කොළඹ ත්‍රිපුද්ගල විශේෂ මහාධිකරණය අද නියෝග කළේය.
ශ්‍රී ලංකන් එයාර් ලයින්, ශ්‍රි ලංකන් කේටරින් හා මිහින් ලංකා අක්‍රමිකතා සොයා බැලීමේ ජනපති කොමිසම් වාර්තාව නීතිපතිට යොමු කිරීමට අමාත්‍ය මණ්ඩල අනුමැතිය හිමිව තිබේ.
සංස්ථා පනත් කෙටුම්පතට එරෙහිව බන්දුලගෙන් පෙත්සමක්
රජය විසින් පාර්ලිමේන්තුවට ඉදිරිපත් කර තිබෙන ශ්‍රී ලංකා රුහුණු ආර්ථික සංවර්ධන සංස්ථා පණත් කෙටුම්පත ආණ්ඩුක්‍රම ව්‍යවස්ථාවට පටහැනි යැයි ප්‍රකාශ කරන මෙන් ඉල්ලා ශ්‍රේෂ්ඨාධිකරණයට පෙත්සම් දෙකක් ඉදිරිපත් විය.
ශ්‍රී ලංකා මහ බැංකුවේ අනුමැතියක් නොමැතිව මූල්‍ය සමාගමක් පවත්වාගෙන ගිය බවට චෝදනා එල්ල වී සිටින චානුක රත්වත්තේ මහතා ඇතුළු විත්තිකරුවන් පස් දෙනෙකුට එරෙහිව නීතිපතිවරයා විසින් ගොනුකර තිබෙන නඩුව ඔක්තෝබර් මස 29 වන දා යළි කැඳවේ.
තාජුඩීන් ඝාතනට ආනන්ද සමරසේකරට කොළඹ මහාධිකරණයේ අධිචෝදනා
රග්බි ක්‍රීඩක වසීම් තාජුදීන් ඝාතන සිද්ධියේ සාක්ෂි විනාශ කළ බවට චෝදනා එල්ල වී සිටින කොළඹ හිටපු ප්‍රධාන අධිකරණ වෛද්‍ය නිලධාරි වෛද්‍ය ආනන්ද සමරසේකර මහතාට අද කොළඹ මහාධිකරණය හමුවේ අධිචෝදනා පත්‍ර භාර දෙනු ලැබීය.
වරාය හිටපු ලේකම් රන්ජිත් රජයේ මුදල් අවභාවිතා කළැයි චෝදනා
ශ්‍රී ලංකා නැව් සංස්ථාවට 2010-2015 වසරවල දී සිලෝන් බ්‍රීස් ප්‍රින්සස් නෞකාව මිලදී ගැනිමේදී නැව් සංස්ථාව AVL international Beijing සමාගමට එක් නෞකාවකට, නෞකාවේ වටිනාකමට වඩා මුදලක් ඇමරිකානු ඩොලර් මිලියන 35ක් ගෙවීමෙන් රජයේ මුදල් අවභාවිතා කළ බව කියන සිද්ධියේ හිටපු වරාය හා මහාමාර්ග අමාත්‍යාංශයේ ලේකම්වරයාගේ සහ ඔහුගේ පවුලේ සාමාජිකයින්ගේ බැංකු ගිණුම් සහ ඔහු භාවිතා කළ පරිඝණකය පරීක්ෂා කළ බවත් එහිදී මහාපරිමාණ මුදල් සංස්කරණය වීම් මෙන්ම දේපල මිලදී ගැනීම් අනාවරණය වූ බවත් පොලිස් මූල්‍ය අපරාධ විමර්ශන කොට්ඨාසය අද කොටුව මහේස්ත්‍රාත් රංග දිසානායක මහතා හමුවේ දැනුම් දුන්නේය.
වෙල්ගමගේ ප්‍රතිශෝධන පෙත්සමේ නියෝග සැප්.12
හිටපු අමාත්‍ය කුමාර වෙල්ගමගේ ප්‍රතිශෝධන පෙත්සමක නියෝගය සැප්තැම්බර් මස 12 වනදා ප්‍රකාශයට පත් කරන බව කොළඹ මහාධිකරණය නියම කරයි.
SBට එරෙහි අපහාස නඩුව අස්කර ගනී
පාර්ලිමේන්තු මන්ත්‍රී එස්.බී.දිසානායක මහතා තමන්ට අපහාස කළේයැයි චෝදනා කරමින් පලාත් සභා මන්ත්‍රී එස්.ඒ.ඩී ජගත් කුමාර මහතා ගොනුකර නඩුව දෙපාර්ශවය විසින් විවෘත අධිකරණයේ දී ඉල්ලා අස්කරගෙන තිබේ.
CID අධ්‍යක්ෂ ශානිට එරෙහි පැමිණිල්ල ප්‍රතික්ෂේපයි
CID අධ්‍යක්ෂ, ජ්‍යෙෂ්ඨ පොලිස් අධිකාරී ශානි අබේසේකරට එරෙහිව ඉදිරිපත් කළ පුද්ගලික පැමිණිල්ලක් කොළඹ මහේස්ත්‍රාත් අධිකරණය ප්‍රතික්ෂේප කරයි.
