මහ බැංකු බැඳුම්කර කොමිසම හමුවේ එවකට මුදල් අමාත්‍ය රවි කරුණානායක මහතා සම්බන්ධයෙන් සාක්ෂියක් ලබාදුන් අනිකා විජේසූරිය නමැත්තියගේ සහෝදරයා වන ජයන්ත විජේසූරිය නමැත්තාට තර්ජනය කළේ යැයි කියන සිද්ධියේ විත්තිකරුවකු ලෙස නම් කර සිටින ශනිල් නෙත්තිකුමාර නමැත්තාට අද කොළඹ මහාධිකරණය හමුවේ අධි චෝදනා පත්‍ර භාර දුනි.
ලිට්රෝ ගෑස් හිටපු සභාපතිගේ විදෙස් ගමන් තහනම ඉවතට..
තායිවානයේ ප්‍රසිද්ධ බැංකුවකින් සයිබර් ප්‍රහාරයක් සිදු කරමින් ඇමරිකානු ඩොලර් මිලියන 2.104ක මුදලක් (රුපියල් ලක්ෂ 3000ක් පමණ )බැංකු පරිඝණක දත්ත මගින් සොරකම් කළ බව කියන සිද්ධියට අදාළව දෙවන සැකකාර ලිට්රෝ ගෑස් සමාගමේ හිටපු සභාපති ශලීල මුණසිංහ නැමැත්තාට දැඩි ඇප කොන්දේසි මත විදෙස් ගත වීමට කොටුව මහේස්ත්‍රාත් රංග දිසානායක මහතා අද අවසර ලබා දුන්නේය.
මරණීය දණ්ඩනයට එරෙහි පෙත්සම වැඩිදුර විභාගය හෙට
මරණීය දණ්ඩනය ක්‍රියාත්මක කිරීම වැළැක්වීමේ නියෝගයක් නිකුත් කරන මෙන් ඉල්ලා මාධ්‍යවේදී මාලින්ද සෙනෙවිරත්න මහතා විසින් ඉදිරිපත් කර ඇති පෙත්සම විභාග කිරීමට අභියාචනාධිකරණයට බලයක් නොමැති බවට නීතිපතිවරයා විසින් මතු කර තිබෙන මූලික විරෝධතාව පිළිබඳව වැඩිදුර කරුණු දැක්වීම හෙට දිනට කල් තැබීමට අභියාචනාධිකරණය නියම කළේය.
රග්බි ක්‍රීඩක වසීම් තාජුදීන් ඝාතනය සිදුවූ දින අරලියගහ මන්දිරයෙන් පිටත්ව ගිය වාහන කීපයක් පිළිබඳව තොරතුරු ලැබී තිබෙන බවත් ඒ පිළිබඳව වැඩිදුර පරීක්ෂණ සිදුකරන බවත් රහස් පොලීසිය අද කොළඹ මහේස්ත්‍රාත් අධිකරණයට දන්වා සිටියේය.
රෝහිතට එරෙහි වත්කම් නඩුව අගෝ.30 යළි කැඳවයි
රුපියල් මිලියන හතළිහකට අධික වත්කම් සහ මුදල් අයථා ලෙස උපයා ගත්තේ යැයි චෝදනා එල්ල වී සිටින හිටපු අමාත්‍ය සහ ඒකාබද්ධ විපක්ෂයේ පාර්ලිමේන්තු මන්ත්‍රී රෝහිත අබේගුණවර්ධන මහතාට එරෙහිව අල්ලස් කොමිසම විසින් ඉදිරිපත් කර ඇති නඩුවේ සාක්ෂි විභාගය අගෝස්තු මස 30 වැනිදා යළි ආරම්භ කිරීමට කොළඹ මහාධිකරණය නියම කළේය.
රග්බි ක්‍රීඩක වසීම් තාජුදීන් ඝාතන සිද්ධියේ සාක්ෂි වසන් කළ බවට චෝදනා එල්ල වී සිටින හිටපු ජ්‍යෙෂ්ඨ නියෝජ්‍ය පොලිස්පති අනුර සේනානායක මහතාට අද කොළඹ මහාධිකරණය හමුවේ අධිචෝදනා පත්‍ර භාර දීම සිදු කෙරිණ.
රහස් පොලිසිය මගින් තමන්ව අත්අඩංගුවට ගෙන ත්‍රස්තවාදය වැළැක්වීමේ පනත යටතේ රඳවා ගැනීම නීති විරෝධී යැයි ප්‍රකාශ කරන මෙන් ඉල්ලා කුරුණෑගල රෝහලේ විශේෂඥ වෛද්‍ය ශාෆි සිහාබ්දීන් මහතා විසින් සිය නීතිඥවරුන් මාර්ගයෙන් ශ්‍රේෂ්ඨාධිකරණයෙ වෙත මූලික අයිතිවාසිකම් පෙත්සමක් ඉදිරිපත් කර තිබේ.
තමන්ව අනිවාර්ය නිවාඩු යැවීමට ගත් තීරණය ආණ්ඩුක්‍රම ව්‍යවස්ථාවට පටහැනි බවට, ප්‍රකාශ කරන්නැයි ඉල්ලි අනිවාර්ය නිවාඩු යවා ඇති පොලිස්පති පූජිත් ජයසුන්දර මහතා ඉදිරිපත් කළ මූලික අයිතිවාසිකම් පෙත්සම ජුලි 31 සළකා බැලීමට ශ්‍රේෂ්ඨාධිකරණය අද නියම කළේය.
නැති තනතුරකට වැටුප් ගෙවූ වෙල්ගම ලබන 12 යළි අධිකරණයට
ඉකුත් රජය සමයේ ලංකා ගමනාගමන මණ්ඩලය තුළ නොමැති තනතුරක් නිර්මාණය කර රජයට රුපියල් ලක්ෂ 33 ක පාඩුවක් සිදු කළේ යැයි චෝදනා කරමින් හිටපු ප්‍රවාහන අමාත්‍ය සහ ඒකාබද්ධ විපක්ෂයේ පාර්ලිමේන්තු මන්ත්‍රී කුමාර වෙල්ගම මහතාට එරෙහිව අල්ලස් කොමිසම විසින් ගොනුකර තිබෙන නඩුව ජුලි මස 12 වනදා යළි කැඳවන ලෙස ොළඹ මහේස්ත්‍රාත් අධිකරණය නියම කළේය.
