මෙම පැමිණිල්ල ඉකුත්දා කැඳවනු ලැබූ අවස්ථාවේ දී මොහොමඩ් රූමි මහතා වෙනුවෙන් පෙනී සිටි නීතිඥවරු අධිකරණය හමුවේ ඉල්ලීමක් කරමින් විදේශයක පැවැත්වෙන තේ ප්‍රදර්ශනයකට සහභාගිවීම සඳහා තම සේවාදායකයාට අප්‍රේල් මස 10 වැනිදා සිට 25 වැනිදා දක්වා කාලසීමාව තුළ විදේශ ගතවීමට අවශ්‍යව තිබෙන බව දැනුම් දුන්නේය.
ඒ සඳහා දැනට පනවා තිබෙන විදේශ ගමන් තහනම අදාළ කාල සීමාව සඳහා ලිහිල් කරන ලෙසයි එම නීතිඥවරු අධිකරණයෙන් ඉල්ලා සිටීයේ.
ඒ අනුව මෙම ඉල්ලීම අද කොළඹ ප්‍රධාන මහේස්ත්‍රාත් ලංකා ජයරත්න මෙනවිය ඉදිරියේ කැඳවනු ලැබූ අවස්ථාවේදී එම ඉල්ලීමට අදාලව රහස් පොලිසිය විසින් වාර්තාවක් ඉදිරිපත් කර තිබිණ.
එම ඉල්ලීම සලකා බැලූ මහේස්ත්‍රාත්වරයා සැකකාර මොහොමඩ් මහතාට ඔහු ඉල්ලා සිටින කාල සීමාව සඳහා විදේශ ගතවීමට අවසර ලබාදුන් අතර අදාළ කාල සීමාව සඳහා දැනට පනවා තිබෙන විදෙස් ගමන් තහනම ලිහිල් කරන ලෙස ආගමන හා විගමන පාලකවරයාට නියම කළේය.
මේ අතර මෙම සිද්ධිය තවත් සැකකරුවන් දෙදෙනෙකු ලෙස නම් කර සිටින සුදු වෑන් රියදුරන් වශයෙන් පෙනී සිටි සරත් කුමාර සහ අතුළ සංජීව මදනායක යන සැකකරුවන් බන්ධනාගාර නිලධාරීන් විසින් අද අධිකරණය හමුවට ඉදිරිපත් කර තිබිණත.
ඔවුන්ව නිරීක්ෂණය කිරීම සඳහා ආවරණය කර නිල මැදිරියට ඉදිරිපත් කරන ලෙස මහේස්ත්‍රාත්වරිය විසින් බන්ධනාගාරයෙන් නිළධාරීන්ට නියම කළේය.
