ඒ අනුව ජාතික හැඳුනුම්පතක් හිමි සැම පුද්ගලෙයකුම තම නම ඡන්ද හිමි නාමලේඛනයට ඇතුළත් කිරීම සඳහා අවශ්‍ය පියවර ගත යුතු බව එම කොමිෂන් සභාව දැනුම් දෙයි.
ඡන්ද හිමි නාමලේඛනයට නම ඇතුළත් කර ගැනීම සඳහා තම ප්‍රදේශයේ ග්‍රාම නිලධාරිවරුන් හමුවී බී.සි ආකෘති පත්‍රය පුරවා මැතිවරණ කොමිෂන් සභාව සඳහන් කළේය.
පසුගියදා මහා මැතිවරණය හේතුවෙන් මෙවර ඡන්ද හිමි නාමලේඛනයේ ප්‍රතිශෝධන කටයුතු කල් දැමීමට සිදුවු බව මැතිවරණ කොමිෂන් සභාව සඳහන් කළේය.
ඒ අනුව මෙම ඡන්ද හිමි නාමලේඛනය සහතික කිරීමේ කටයුතු ලබන වසරේ පෙබරවාරි මාසයේ දී සිදුකිරිමට නියමිතව තිබේ.
ඉදිරියේ දී පැවැත්වීමට නියමිත පළාත් සභා මැතිවරණය ලබන වසරේ පෙබරවාරි මාසයෙන් පසුව පැවැත්වුණ හොත් එම මැතිවරණය සඳහා යොදාගනු ලබන්නේ මෙම ඡන්ද හිමි නාමලේඛනය බව මැතිවරණ කොමිෂන් සභාව සඳහන් කළේය.
මේ අතර බී.සි ආකෘති පත්‍රය ග්‍රාම නිලධාරින්වරු විසින් සියලුම නිවාස වෙත ලබා දීමට ද පියවර ගන්නා බව ඔවුන් සඳහන් කළේය.
