එය ඉකුත් 05 වැනි දින සිට බලාත්මකයි. වතු කම්කරුවන්ගේ දෛනික වැටුප රුපියල් දහසක් දක්වා වැඩි විය යුතු බවට වූ යෝජනාව 2021 අය-වැය යෝජනාවට ඇතුළත් කර තිබිණ.

ඒ, මුදල් අමාත්‍ය අග්‍රාමාත්‍ය මහින්ද රාජපක්‍ෂ මහතා විසින් එම යෝජනාව ක්‍රියාත්මක කිරීම සම්බන්ධයෙන් පසුගිය මාස කිහිපය පුරා සාකච්ජා වට කිහිපයක් පැවතිය ද එකඟතාවකට පැමිණිමට නොහැකි විය.

විෂය බාර අමාත්‍ය නිමල් සිරිපාල ද සිල්වා මහතා පසුව එය පඩිපාලක සභාව වෙත යොමු කළේය. ඒ අනුව, වතු කම්කරුවන්ගේ දෛනික වැටුප රුපියල් 900ක් සහ අය-වැය සහන දීමනාව රුපියල් සියයක් ලෙස පූර්ණ දෛනික වැටුප රුපියල් දහසක් ගෙවීමට පඩි පාලක සභාව වෙත යොමු කළේය.

ඒ අනුව, වතු කම්කරුවන්ගේ දෛනික වැටුප රුපියල් 900ක් සහ අය-වැය සහන දීමනාව රුපියල් සියයක් ලෙස පූර්ණ දෛනික වැටුප රුපියල් දහසක් ගෙවීමට පඩිපාලක සභාව විසින් තීරණය කරනු ලැබීය.

ඒ සම්බන්ධව විරෝධතා ඇත්නම් ඉදිරිපත් කිරීමට ඉකුත් 15දින දක්වා අවස්ථා ද ලබාදී තිබිණ. අනතුරුව, වතු කම්කරුවන්ට රුපියල් දහසක වැටුපක් ගෙවීම සම්බන්ධයෙන් පඩි පාලක සභාව එළඹී තීරණය ස්ථිර වූ අතර, ඒ පිළිබඳ ගැසට් නිවේදනයක් නිකුත් කිරීමට කම්කරු කොමසාරිස් ජනරාල්වරයා තීරණය කළේය.

ඒ අනුව, ඉකුත් 05 වැනිදා සිට බලාත්මක වන පරිදි ඊට අදාළ අතිවිශේෂ ගැසට් නිවේදනය නිකුත් කර තිබේ.