රුපියල් ලක්ෂ 15ක් පමණ වටිනා ඉරන ලද කොස් හා මහෝගනී දැව තොගය සමග සැකකරු අත්අඩංගුවට ගැනුණේ කටාන - මීගමුව ප්‍රධාන මාර්ගයේ කඳවල ප්‍රදේශයේ දී.
සැකකරු මිනුවන්ගොඩ පදිංචි 35 හැවිරිදි පුද්ගලයෙක්.
ඇඟළුම් කර්මාන්ත ශාලාවක කොන්ත්‍රාත් පදනම මත ප්‍රවාහන කටයුතු සඳහා යොදවා ඇති මෙම ලොරි රථයෙන් සැකකරු අවස්ථා කිහිපයකදීම රහසිගත ලෙස බලපත්‍ර නොමැතිව මෙම ලී ප්‍රවාහනය කිරීමේ ජාවාරමේ නිරතව තිබේ.
සැකකරු සමග දැව තොගය සහ සියළු නඩු භාණ්ඩ මේ මස 31 වැනි දින මීගමුව මහේස්ත්‍රාත් අධිකරණය වෙත ඉදිරිපත් කිරීමට නියමිතයි.
