ඒ අනුව ඒවායේ මේ වන විට පවතින සියලු අඩුපාඩු හදුනා ගනිමින් වාර්තාවක් තමා වෙත කඩිනමින් ලබාදෙන ලෙස අමාත්‍යවරයා විසින් මෙහිදී නිලධාරීන්ට උපදෙස් ලබාදෙනු ලැබීය.
හෙද විදුහල්හි පවතින ගැටලු සොයා බැලීම සඳහා සෞඛ්‍ය අමාත්‍යවරයා ඊයේ පැවැත්වු සාකච්ජාවක දී මෙම උපදෙස් ලබාදුන් අතර ඒ අනුව දිවයින පුරා ක්‍රියාත්මක හෙද විදුහල් 17 ක පහසුකම් ඉහල නැංවෙන අතර ඒවායේ අඩුපාඩු ඉක්මනින් සොයා බලා ඒ සඳහා කඩිනම් හා දීර්ඝ කාලීන විසදුම් ලබාදීමට පියවර ගන්නා ලෙස අමාත්‍යවරයා අමාත්‍යාංශ නිලධාරීන්ගෙන් මෙහිදී ඉල්ලා සිටියේය.
විශේෂයෙන් සෞඛ්‍ය සේවාවේ ඉහල කාර්යභාර්යක් ඉටු කරන හෙද කාර්ය මණ්ඩලයන්හි සියලු පුහුණුව හෙද විදුහල් මගින් ලබාදෙන හෙයින් ඒ සඳහා වැඩි අවධානයක් යොමු කිරීම අතිශය වැදගත් බව අමාත්‍යවරයා පැවසීය.
හෙද විදුහල්හි පවතින අඩුපාඩු පිළිබඳ වෙන වෙනම සොයා බැලීමටත් විශේෂයෙන් ඒවායේ යටිතල පහසුකම්, කාර්ය මණ්ඩල උපකරණ හිඟය වැනි කරුණු පිළිබඳව නිවැරදි තොරතුරු ලබා දෙන ලෙසත් අමාත්‍යවරයා මෙහිදී දැනුම් දුන්නේය.
2014 වර්ෂයේ දැයට කිරුළ ව්‍යාපෘතිය යටතේ ඉදිකෙරුණු මාතර / කළුතර හෙද විදුහල්වල නව ගොඩනැගිලි ඉදිකිරීම් නිම කිරීමට නොහැකි වී ඇති බව මෙහිදී අනාවරණය වු අතර කඩිනමින් එහි වැඩ අවසන් කර අධ්‍යන කටයුතු සඳහා මෙම ගොඩනැගිලි ලබාදෙන ලෙසට අමාත්‍යවරයා උපදෙස් ලබා දුන්නේය.
මෙයට අමතරව ගාල්ල හා මහනුවර හෙද විදුහල්හි ඉදිකිරීම් මෙන්ම ගොඩනැගිලි කටයුතු සම්බන්ධයෙන් ද සාකච්ජා කෙරුණු අතර ඒ පිළිබදවද වැඩි අවධානය යොමු කරන ලෙසට අමාත්‍යවරයා උපදෙස් දුන්නේය.
මෙම අවස්ථාවට සෞඛ්‍ය අමාත්‍යාංශයේ ලේකම් මේජර් ජනරාල් විශේෂඥ වෛද්‍ය සංජීව මුණසිංහ, සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන යන මහත්වරුන් හා හෙද විදුහල්හි විදුහල්පතිවරුන්, හෙද විදුහල් අනුබද්ධ රෝහල් වල අධ්‍යක්ෂවරුන් හා සෞඛ්‍ය අමාත්‍යංශයේ නිලධාරීන් පිරිසක්ද සහභාගී වුහ.
හෙද විදුහල්හි පහසුකම් ඉහළ නැංවීමට ඇමතිගෙන් උපදෙස්....
දෙසැ 07,
2021
දිවයින පුරා සියලු හෙද විදුහල්හි පහසුකම් ඉහල නැංවීම සඳහා අවශ්‍ය වැඩපිළිවෙළ කඩිනමින් සකස් කරන ලෙස අමාත්‍ය කෙහෙලිය රඹුක්වැල්ල මහතා අමාත්‍යංශ නිලධාරීන්ට ඊයේ (06) උපදෙස් ලබා දුන්නේය.
