මේ වසරේ ජුලි මාසයට සාපේක්ෂව අගෝස්තු මාසයේදී විදේශ ගත ශ්‍රමිකයින් මෙරටට එවූ විදේශ විනිමය සියයට 16.4කින් ඉහළ ගොස් ඇති බවත්, මේ වසරේදී විදේශ රැකියා සදහා පිටත්වීමට ශ්‍රී ලංකා විදේශ සේවා නියුක්ති කාර්යාංශයේ ලියාපදිංචිවී ඇති ශ්‍රමිකයින්ගේ සංඛ්‍යාව ලක්ෂ 02 ඉක්මවා ඇති බවත් අමාත්‍යවරයා වැඩිදුරටත් පැවසීය. ජුලි මාසයේදී ඇමරිකානු ඩොලර් මිලියන 279 ක් වූ විදේශ ගත ශ්‍රමික ප්‍රේශණ ප්‍රමාණය අගොස්තු මාසය වන විට ඩොලර් මිලියන 325 ක් දක්වා ඩොලර් මිලියන 46කින් ඉහළ ගොස් ඇති බවත්, අමාත්‍යවරයා පවසයි. නීත්‍යානුකූලව බැංකු ක්‍රමය හරහා මෙලෙස මුදල් එවා ඇති සෑම විදේශ ගත ශ්‍රමිකයෙක්ටම සිය ස්තුතිය පුද කරන බවද, මේ අවස්ථාවේදී සියලුම ශ්‍රී ලාංකිකයින්ට විදේශ ගත ශ්‍රමිකයින්ගේ සහාය අත්‍යවශ්‍ය බවද අමාත්‍යවරයා සදහන් කළේය. මේ අතර මේ වසර තුළදී විදේශ රැකියා සදහා පිටත්ව යාමට ශ්‍රී ලංකා විදේශ සේවා නියුක්ති කාර්යාංශයේ ලියාපදිංචිවූ ශ්‍රමික සංඛ්‍යාව ලක්ෂ 02 ඉක්මවා ගොස් තිබේ. මේ වසරේදී ශ්‍රමිකයින් ලක්ෂ 03ක් විදේශ රැකියා සදහා පිටත් කර යැවීමේ ඉලක්කයක් පැවති අතර එම ඉලක්කය 330,000 දක්වා ඉහළ නැංවීමට කටයුතු කර ඇත.
විදේශ ගත ශ්‍රමික ප්‍රේශණ ලැබීම 16% කින් ඉහළට - රැකියා සදහා විදේශගතවූවන්ගේ සංඛ්‍යාව ලක්ෂ 02 ඉක්මවයි.
සැප් 11,
2022
මේ වන විට විදේශ ගත ශ්‍රමික ප්‍රේශණ ලැබීම ඩොලර් මිලියන 325 දක්වා 16% කින් ඉහළට ගොස් ඇති අතර, විදේශ රැකියා සදහා පිටත්වූ සංඛ්‍යාව 200,000 ඉක්මවා ඇති බව, කම්කරු සහ විදේශ රැකියා අමාත්‍ය මනුෂ නානායක්කාර මහතා පවසයි.
