මෙරට උද්ධමනය තීරණය කෙරෙන ප්‍රධාන දර්ශකයක් ලෙස කොළඹ පාරිභෝගික මිල දර්ශකය හැදින් වෙනවා.

කොළඹ නගරයේ ජීවත්වන විවිධ පාර්භෝගික කණ්ඩායම් උපයෝගී කර ගෙන එම මිල දර්ශකය සකස් කෙරෙනවා. ඒ අනුව, පසුගිය මාසයේ එම අගය දශම 3 යි 5 කින් පහළ ගොස් තිබෙනවා. මත්ස්‍ය, කරවල සහ සහල් මිල පහත බැසීම ඊට හේතුවයි.

එමෙන්ම, පසුගිය සැප්තැම්බර් මාසයට සාපේක්ෂව මෙරට උද්ධමනය ද ‍පසුගිය වසරේ පහළ ගොස් ඇතැයි, ජන ලේඛන හා සංඛ්‍යා දෙපාර්තමේන්තුව පවසනවා. සැප්තැම්බර් මාසයේ 69.8ක් ව පැවති මෙම අගය, ඔක්තෝබර් මාසයේ සියයට 66 ක් ලෙස වාර්තා වුණා.

එය, සියයට 3.8 ක අඩුවීමක්. ආහාර කාණ්ඩයේ උද්මනය ද සියයට 9.3 කින් අඩු වී තිබෙනවා. වාර්තාවේ දැක්වෙන්නේ ඉන්ධන මිල අඩු වී‍ම හේතුවෙන්, ආහාර නොවන පාරිභෝගික භාණ්ඩවල උද්ධමනය ද සියයට 1.3 කින් අඩු වී ඇති බවයි.