ඒ අනුව ඔක්තෝබර් මස 10 වනදා නඩුව කැදවීමට ද කොළඹ මහාධිකරණය නියෝග කර තිබෙනවා.
හිටපු මහ බැංකු අධිපති ඇතුළු පිරිසකට සිතාසි
සැප් 26,
2024
2012 වසරේ දැඩි ආර්ථික කඩාවැටීමකට ලක්ව තිබූ ග්‍රීසියේ බැඳුම්කරවල මුදල් ආයෝජනය කිරීම තුළින් රජයට රුපියල් බිලියන 1.8 කට වැඩි පාඩුවක් සිදු කළේ යැයි චෝදනා කොට අල්ලස් කොමිසම විසින් චෝදනා ගොනු කර තිබෙන හිටපු මහා බැංකු අධිපති අජිත් නිවාඩ් කබ්රාල් මහතා ඇතුළු විත්තිකරුවන් පස් දෙනෙකුට අධිකරණය හමුවේ පෙනී සිටින ලෙස දන්වා කොළඹ මහාධිකරණය සිතාසි නිකුත් කළා.
මෙම නඩුව මීට පෙර කොළඹ මහාධිකරණය හමුවේ ගොනු කර තිබුණා.
එහෙත් එම නඩුව ගොනු කර තිබෙන ආකාරය නීතියට පටහැනි බවට අජිත් නිවාඩ් කබ්රාල් මහතා ඇතුළු විත්තිකරුවන් වෙනුවෙන් පෙනී සිටි නීතිඥවරු මූලික විරෝධතා මතුකරනු ලැබුවා.
එම මූලික විරෝධතා පිළිගත් කොළඹ මහාධිකරණ විනිසුරුවරයා විත්තිකරුවන්ට අධි චෝදනා පත්‍ර භාහිරදීම ප්‍රතික්ෂේප කරමින් ඔවුන් නිදහස් කිරීමට ද තීන්දු කළා.
එසේ නිදහස් කරන ලද විත්තිකරුවන්ට එරෙහිව අල්ලස් කොමිසම විසින් මෙම නඩුව යලි ගොණුකර තිබෙනවා.
