පෑලියගොඩ දිසා අපරාධ කොට්ඨාසයේ නිලධාරීන්ට ලද තොරතුරක් අනුව සිදුකළ වැටලීමකදී මොවුන් අත්අඩංගුවට ගැනීමට හැකීව ඇත.
2018 වසරේ අප්‍රේල් මාස නිට්ටඹුව, හොරගොල්ලේ පිහිටි මෙම ඉන්ධන පිරවුම්හලෙන් මෙලෙස මුදල් සොරාගෙන තිබුණා. එහි මුදල් තැන්පත් කර තිබූ කාමරයේ දොර කඩා ඇතුළුවී සැකකරුවන් විසින් රුපියල් 450,000 ක මුදලක් සොරාගෙන ඇති බව පොලීසිය පවසයි. සැකකරුවන් සතුව තිබී ගල්කටස් වර්ගයේ ගිනි අවියක්ද පොලිස් භාරයට ගෙන ඇත.
අත්අඩංගුවට ගෙන ඇත්තේ අවුරුදු 23, 30 සහ 40 යන වයස් සීමාවල පසුවන නිට්ටඹුවේ පදිංචි පුද්ගලයින් තුන්දෙනෙක්. වැඩිදුර විමර්ශන සදහා සැකකරුවන් නිට්ටඹුව පොලීසියට භාරදීමට නියමිතයි.
