මාවුස්සාකැලේ හා කාසල්රී ජලාශ වල ජල මට්ටම ඊයේ (10) පෙ.ව. 06.00 වන විට පිටාර මට්ටමට පිළිවෙලින් අගල් 18 ක් හා 12 ක් වශයෙන් පැවති බව එම ජලාශ බාර ඉංජිනේරුවෝ පැවසූහ.

මාවුස්සාකැලේ ජලාශය අක්කර අඩි 93400 ක් හා කාසල්රී ජලාශය අක්කර අඩි 68000 ක ජල ධාරිතාවකින් සමන්විත වේ.

ලක්ෂපාන ජලවිදුලිබලාගාර සංකීර්ණයට අයත් ලක්ෂපාන, නව ලක්ෂපාන, පොල්පිටිය, විමලසුරේන්ද්‍ර හා කැනියෝන් යන ජලවිදුලි බලාගාර 05 සඳහා විදුලිය උත්පාදනයට ප්‍රධාන වශයෙන් ජලය සැපයෙන්නේ මෙම ප්‍රධාන ජලාශ දෙකෙනි.