පැමිණිල්ල අද කොළඹ අතිරේක මහේස්ත්‍රාත් ශාලනි පෙරේරා මහත්මිය ඉදිරියේ කැඳවනු ලැබීය. එහිදී විමර්ශන සිදුකළ කොළඹ අපරාධ කොට්ඨාසය අධිකරණයට දන්වා සිටියේ මෙම නඩුවට අදාළ විමර්ශන අවසන් කොට වාර්තා සියල්ල උපදෙස් ලබා ගැනීම සඳහා නීතිපති දෙපාර්තමේන්තුව වෙත යොමුකර තිබෙන බවයි.
නීතිපති උපදෙස් මෙතෙක් ලැබී නොමැති බව ද පොලිසිය අධිකරණයට දන්වා සිටියේය. ඒ අනුව පැමිණිල්ල නැවත මැයි මස 31 වනදා යළි කැඳවීමට නියම කළ අතිරේක මහේස්ත්‍රාත්වරිය එදින මෙම කටයුතුවල ප්‍රගතිය වාර්තා කරන ලෙස පොලිසියට දැනුම් දුන්නේය.
