උප දුම්රිය නියාමකවරුන් විසින් දියත් කර තිබු දුම්රිය වර්ජනය අවසන් කිරීමට තීරණය කර තිබෙනවා.

ඊයේ සිට ක්‍රියාත්මක දුම්රිය වැඩවර්ජනය හේතුවෙන් මගී ජනතාව දැඩි දුෂ්කරතාවට පත්ව සිටිනවා.

දුම්රිය රියදුරන් පිරිසක් විසින් ඊයේ (09/11) දින ක්‍රියාත්මක කරන ලද හදිසි වැඩවර්ජනය හේතුවෙන් හොරපේ දුම්රිය ස්ථානය ආසන්නයේ සිදුවූ අනතුරෙන් ජීවිතක්ෂයට පත් ගම්පහ මොරගොඩ ප්‍රදේශයේ පදිංචි දිනිත් ඉඳුවර පෙරේරා සිසුවා වෙනුවෙන් ඔහුගේ පවුලේ සාමාජිකයින් වෙත රුපියල් ලක්ෂ පහක මුදලක් පිරිනැමීමට දුම්රිය දෙපාර්තමේන්තුව කටයුතු කර තිබෙනවා.

අද (13) උදෑසන කාර්යාල දුම්රිය ගමන් වාර 40ක් පමණක් ධාවනය කිරීමට දුම්රිය දෙපාර්තමේන්තුව සැලසුම් කර තිබෙනවා.

දුම්රිය ධාවනාගාර 2ක රියදුරන් ඊයේ මධ්‍යම රාත්‍රියේ සිට ආරම්භ කළ වෘත්තීය ක්‍රියාමාර්ගය හේතුවෙන් අද දිනයේ දුම්රිය ගමන් වාර කිහිපයක් අවලංගු කර ඇතැයි දුම්රිය දෙපාර්තමේන්තුව පවසයි.